एसपी रिपोर्टर
जनकपुरधाम, साउन १४ : असहाय संरक्षण मञ्च जनकपुरधामले आज प्रदेश २ का भुमि व्यवस्था कृषि तथा सहकारी मन्त्री शैलेन्द्र प्रसाद साहलाई सम्मान गरेको छ भने धनुषावाट सुनसरी सरुवा भएका सशस्त्र प्रहरी वलका प्रहरी उपरिक्षक राजेश उप्रेतीको सम्मानलाई सम्मानका साथ बिदाई गरेको छ ।
बिहान मञ्जको कार्यालय मुरलीचौक (विद्यापती चौक) पुगेका मन्त्री साहलाई मञ्चका अध्यक्ष बैद्यनाथ साहले कार्यालयमा स्वागत तथा सम्मान गरेका थिए । मञ्चका अन्य पदाधिकारी र सदस्यहरु समेतले मन्त्री साहलाई सम्मान गर्दै कार्यालयमा आगमनका लागि धन्यवाद ज्ञापन गरे । मन्त्री साहले मञ्च र अध्यक्ष साहले समाजका लागि गरेको कार्य परोपकारी र सराहनीय रहेको बताए ।
सशस्त्रका एसपी उप्रेतीको सम्मान र बिदाई
सशस्त्र प्रहरी वल धनुषाको एसपी उप्रेतीको मञ्चले आजै बेलुकी सम्मान सहित बिदाई गरेको छ । सुनसरी सरुवा भई शुक्रवार जान लागेका एसपी उप्रेतीले धनुषा बसाईको क्रममा राम्रो काम गरेको भन्दै मञ्चले कार्यालयमै बोलाएर सम्मान गर्दै बिदाई गरेको मञ्चका अध्यक्ष साहले बताए । एसपी उप्रेतीले पनि जनकपुरधाम मात्र नभई मञ्चले नेपालमै सफाई र परोपकारको क्षेत्रमा सराहनीय काम गरिरहेको भन्दै निरन्तरताका लागि आग्रह गरेका थिए ।
