एसपी रिपोर्टर
जनकपुरधाम, असार २६ :
जनकपुरधामको याज्ञवल्क्य संस्कृत माविले एसईईमा उतीर्ण गरेका विद्यार्थीहरुलाई सम्मानित गरेको छ । विद्यालयले एक कार्यक्रमको आयोजना गर्दै एसईईमा उतीर्ण भएका विद्यार्थीहरुलाई ट्रफी दिएर सम्मानित गरेको हो ।

विद्यालयबाट सहभागी ३ सय ७ विद्यार्थीमध्ये उतीर्ण भएका १ सय ९७ विद्यार्थीलाई सम्मानित गरिएको विद्यालयका प्रधानाध्यापक संजय झाले जानकारी दिए । साधारण तर्फ २ सय १५ मध्ये १ सय ४६, प्राविधिक तर्फ ४७मध्ये ४६ र संस्कृत तर्फ ४५ मध्ये ५ विद्यार्थी उतीर्ण गरेको उनले बताए ।

जनकपुरधाम उपमहानगरपालिका वडा नं ८ का वडा अध्यक्ष दिनेश सिंहको अध्यक्षता एवं नगरप्रमुख मनोज कुमार साहको प्रमुख आतिथ्यतामा सम्पन्न सो कार्यक्रममा विद्यालयका शिक्षक तथा विद्यालय कर्मचारीहरुलाई समेत सम्मानित गरिएको प्रधानाध्यापक झाले बताए ।