एसपी रिपोर्टर
रौतहट, फागुन २५ : रौतहटको गौरमा राइस मिलको जग्गा अधिग्रहणबारे दुई पक्षबीच तनाब बढेको छ। एक पक्ष नगरपालिकासँगको सहमतिमा जग्गा अधिग्रहणको पक्षमा रहेकाले, अर्को पक्षले विरोध जनाउँदै आएको छ।
आइतबार नेकपा एमालेका केन्द्रीय सदस्य अजय कुमार गुप्ता र कांग्रेस नेता मोहन यादवसहितका प्रदर्शनकारीहरूले मेयर शम्भु साहविरुद्ध टायर बालेर नाराबाजी गरे। यसअघि, मेयर समर्थकहरूले संघीय सांसद अमरेश सिंहको पुत्ला दहन गरेका थिए, किनभने उनले मेयरलाई “तस्कर” भनेका थिए।
मेयर साहले सिंहलाई आरोप पुष्टि गर्न वा मानसिक उपचार गराउन सुझाव दिएपछि तनाब झन् बढेको छ। गौर नगरपालिकाले २ विगहा १५ कठ्ठा जग्गा निःशुल्क पाउने सहमति गरेपछि चौतर्फी विरोध सुरु भएको हो।
