एसपी रिपोर्टर
जनकपुरधाम, जेठ २५ : प्रदेश २ सरकारले प्रदेशसभामा अगामि आर्थिक वर्ष २०७७÷०७८ को वार्षिक निति तथा कार्यक्रम प्रस्तुत गरेको छ । सरकारको तर्फवाट मुख्यमन्त्री लालबाबु राउतले हस्तान्तरण गर्नु भएको निति तथा कार्यक्रम प्रदेश प्रमुख तिलक परियारले ३ बजे बसेको प्रदेशसभाको बैठकमा वाचन गर्नु भएको छ ।
४८ पृष्ठ लामो प्रदेश २ सरकारको अगामि वर्षको निति तथा कार्यक्रममा कोरोना भारइरस नियन्त्रण, व्यवस्थापन र स्वास्थ्य क्षेत्रको पुर्वाधार विकास देखि कृषि र रोजगारीलाई प्राथमिकतामा राखिएको छ । देशमा भएको परिवर्तणका लागि विभिन्न आन्दोलन र बिद्रोहमा शहादत दिएका शहिदहरु देखि अहिले कोरोना महामारीमा अग्रपन्तीमा लडिरहेका चिकित्सक, नर्श, स्वास्थ्यकर्मी, सुरक्षाकर्मी सहितकाको स्मरण गर्दै सुरु गरिएको निति तथा कार्यक्रममा कोभिड–१९ माहामारी जनस्वास्थ्यसंग सम्बन्धित जोखिम कम गर्न स्वास्थ्य क्षेत्रमा दोब्बर लगानी गरिने, स्वाथ्य समाग्री, अस्पतालको संरचनाहरु तथा उपकरणहरु यथा समय खरिद निर्माण र सर्वसुलभ उपलब्धतामा जोड दिने छ ।
साथै कृषि, देश तथा विदेशवाट आएकाहरुलाई स्वरोजगारी, साक्षर प्रदेश सहित शिक्षाका आधुनिकता र जोड, प्रदेशको राजधानी जनकपुरधामका विकास र सौन्दर्यकरण, प्रत्येक निर्वाचन क्षेत्रका एक पोखरी सौन्दर्यकरण गरि पर्यटन प्रवद्र्वन सहितका कार्यक्रमहरु समावेश गरिएको छ । निति तथा कार्यक्रममा मुख्य मन्त्री कृषि उत्थान कार्यक्रम, युवा स्वरोजगार तथा उद्यम विकास कार्यक्रम, बेटी बचाउ बेटी पढाउ, मुख्यमन्त्री दलित गरिव आवास योजना, प्रदेश आयोजना बैंक, प्रदेश विकास बैंक, प्रदेश लगानी प्रवद्र्वन बोर्ड, पुर्ण सुरक्षि मातृत्व प्रदेश, प्रादेशिक क्यान्सर अस्पताल, प्रादेशिक खेलकुद विकास प्राधिकरण गठन, प्रदेश लोकपाल आयोग, चुरे जोगाउ मधेश बचाउ, प्रदेश प्रमुख रोजगार कार्यक्रम र उच्च स्तरीय जातीय छुवाछुत अनुगमन समिति गठन सहितको विषयहरु समावेश गरिएको छ ।
यस्तो छ प्रदेश २ सरकारले आज प्रदेशसभामा पेश गरेको निति तथा कार्यक्रमको पुर्ण अंश । तलको लिंकमा क्लिक गर्नुहोस
