सविना मानन्धर
बाँपीझ्याला दोलखा, साउन २३ : भिमेश्वर नगरपालिका दोलखाका सल्लाहकार, दोलखा म्यासमुचा खलकका संरक्षक समाजसेवी सकुना श्रेष्ठ मलेकुुले समुदायमा विभिन्न सहयोग गरेकी छन् । पाखलति सहयोग समितिबाट निर्माण भएको पुण्यश्वर महादेवको चरणकमलमा रहेको सभाकक्षको लागि सोफासेट, भीम माध्यमिक विधालय दोलखा स्काउट विधार्थिहरुलाई ड्रम सेट, बालमन्दिर प्रावि दोलखालाई शैक्षिक सामाग्रि र अभयपुर युवा समूह दोलखा, टाईगरटिम तिखातल, अभयपुर युथ लेडिज ग्रुप दोलखा, फुलपा युवा समूह, फुलपालाई विभिन्न सहयोग प्रदान गरिएको छ । भीमेश्वर नगरपालीका वडा नंं.२ दोलखामा एक कार्यक्रमका बिच सहयाग समाग्री वितरण गरिएको छ ।
उक्त सामाग्री कार्यक्रमका प्रमुख अतिथि भिमेश्वर नगरपालिका दोलखाका नगर प्रमुख भरत केसिले हस्तान्तरण गरेका हुन । भिमेश्वर नगरपालिका वडा नं २ का वडा अध्यक्ष विराजमान श्रेष्ठ, अभयपुर टोल विकास समितिका सचिव अमित श्रेष्ठ, कार्यक्रम संयोजक अभयपुर टोलविकास समितिका अध्यक्ष अजय प्रधान सहितकाले कार्यक्रमको वारेमा र टोल विकास समितिको गितिविधि वारे स्पष्ट पार्दै समुदाय मिलेर उदाहरणीय काम गरेको बताए ।
कार्यक्रममा दोलखाका बुद्विजिवि पुरुषार्थ श्रेष्ठ, टाईगरटिम तिखातलका अध्यक्ष कुमार श्रेष्ठ, अभयपुर युथ लेडिज ग्रुपका टिम लिडर जानकि तमाङ, अभयपुर युवा समुहका संयोजक प्रकाश शिवाकोटि सहितकाले समाजसेवि श्रेष्ठलाई खेलकुद सामाग्रि सहयोगका लागि धन्यवाद दिए । कार्यक्रममा समितिका अध्यक्ष अधिवक्ता श्याम कृष्ण मास्केले समाजसेवी श्रेष्ठले भवन निर्माण देखि हाल सम्म सहयोग गर्दै आईरहेको र अहिले अति आवश्यक सोफासेट समेत सहयोग गरेकोमा धन्यवाद दिए । कार्यक्रममा अन्य दाताहरु अमृत ब.श्रेष्ठ, सुब्बा श्रेष्ठ, प्रेम ब.श्रेष्ठ, कष्ण ब.श्रेष्ठज्युलाई पनि सम्मान गरिएको थियो । कार्यक्रममा समितिका कोषाध्यक्ष कल्पना थामि सहितको सहभागिता थियो ।
