एसपी रिपोर्टर
जनकपुरधाम, असार ७ : जनकपुरधाम उपमहानगरपालिका वडा नं. ४ स्थित नुनिया कुट्टी अगाडि तोडफोड गरि व्यक्तीगत रुपमा जमिन कब्जा गर्न चाहेको घटनाप्रति जनकपुरधाम स्थित श्री महाविर युवा कमिटिले विरोध जनाएको छ । महाविरचौक स्थित कमिटीको कार्यालयको दक्षिण तर्फ रहेको कुट्टी अगाडिको भगवान हनुमान जी र महाविर जी को मन्दिर समेत तोडफोड गरि वर्षौ देखि हिन्दुहरुको आस्थाको केन्द्रको रुपमा रहेको सो मन्दिर तोडफोडको घटनाको समेत कमिटीले भत्र्सना गरेको छ ।
कमिटीका महासचिव रञ्जित भगतद्वारा जारी विज्ञप्तीमा भनिएको छ, ‘भुमाफियाले जमिन कब्जा गर्न लाग्दा वडा नं. ४ र ५ का वडा अध्यक्षहरुले बुझन खोज्दा अभद्र व्यवहार गर्दै अटेरी गरिएको र युवा अगुवाहरुलाई पक्राउ गरिएको घटना दुःखद र भत्र्सना लायक छ।’ आज विहान तोडफोड हुन लाग्दा महाविरचौक नजिक तनाव उत्पन्न भएको थियो । तोडफोडको विरोधमा स्थानियवासी उत्रेपछि प्रहरीले चारजनालाई नियन्त्रणमा समेत लिएको थियो ।
प्रहरीले श्री महाविर युवा कमिटीका पुर्व अध्यक्ष शुनिल कुमार प्रसाद, महासचिव राजा भगत, पुर्व महासचिव अजय कुमार गुप्ता र नुनिया कुट्टीका महन्थ लक्ष्मण महतो सहित केहि स्थानियलाई नियन्त्रणमा लिएर छाडेको छ । गुप्ताका अनुसार प्रहरी समेतको मिलिभगतमा वडा नं. ५ निवासी प्रेमबाबु साहले सो जमिनमा घर ठडयाउन लागि परेपछि स्थानियले विरोध गर्दै आएका छन् । वर्षौ वर्ष देखि कट्टीको भोगचलनमा रहेको जमिन कब्जा गर्न चाहँदा आफुहरु विरोध गरेको समेत उनीहरुको भनाई छ ।
