जनकपुरधाम, चैत २ : सबैला नगरपालिका वडा नं. १२ रघुनाथपुरका एक सज्जन व्यत्तिको निर्मम हत्या भएको भन्दै हत्यारालाई कारवाहीको मांग गरिएको छ । फागुन १६ गते साँझ धनुषामा दुई पक्षबीचको विवाद मिलाउन गएका रघुनाथपुर बस्ने ५१ वर्षीय सोनेलाल भनिने सत्यनारायण पुलामीको हत्या भएको थियो । घटनामा संलग्न अपराधीलाई कारवाहीको लागि दबाव सिर्जना गर्ने उदेश्यले आज रघुनाथपुरचौकमा आयोजित शोकसभालाई सम्बोधन गर्दै प्रदेशसभा सदस्य किशोरी साह कमलले घटनामा संलग्न रहेको आरोपमा पक्राउ परेका युवाहरु भर्खरका युवाहरु रहेकाले छोराछोरीको व्यवहार र गतिवीधी निगरानी गर्न अभिभावकलाई सचेत गराएका छन् । युवाहरु गाँजा चुरोट सहित लागु दुर्वयसनमा फँस्दै गएको र अपराधीक गतिविधीमा संलग्न हुने गरेकाले मेरा छोराछोरी के गर्दैछ भन्ने कुरामा सचेत रहन सवैलाई आग्रह गरेका छन् । साथै उनले हत्यारा जुनसुकै गाँउ र समाजको भएपनि अपराधी रहेकाले हदै सम्मको कारवाही हुनुपर्ने उनको मांग थियो । राजनितिक संरक्षणका कारण यस्ता अपराधीहरु उम्किन पाउन नहुने समेत सांसद साहले बताए ।
अन्य वतmाहरुले पनि हत्यारा बचाउन नहुने बताए । हत्यारा बचाए समाजमा विकृती बढने समेत उनीहरुको धारणा थियो । शोकसभा कार्यक्रममा दिवंगत पुलामी प्रति सहभागीहरुले श्रद्धाञ्जली समेत अर्पण गर्नुका साथै मौन धारण गरिएको थियो । कार्यक्रममा सवैला नगरपालिकाकी उपप्रमुख निलु देवी कापर, समाजवादीका रामदुलार यादव, समाजवादी कमनिष्टका दिपनारायण दास, वडा अध्यक्ष प्रदिप महतो, कांग्रेसका बौएलाल माझी, जन्मभुमि विकास मञ्चका अध्यक्ष बिनोद अधिकारी विपिन, पत्रकार सुरेश यादव सहितकाले धारणा राखेका थिए ।
गत फागुन १६ गते साँझ धनुषामा दुई पक्षबीचको विवाद मिलाउन गएका रघुनाथपुर बस्ने ५१ वर्षीय सोनेलाल भनिने सत्यनारायण पुलामीको हत्या भएको थियो । राति रघुनाथपुरमा भएको झगडा मिलाउन गएका पुलामीलाई झगडारत सवैलाका युवाहरुले टाउकोमा बाँस र काठको चिरपट प्रहार गरेका थिए । गम्भीर घाईते भएका पुलामीलाई उपचारका लागि प्रादेशिक अस्पताल जनकपुर ल्याउने क्रममा मृत्यु भएको थियो । रघुनाथपुरस्थित नहर चोकमा कलभर्टमा बसेका केही युवाहरुले अपशब्द बोलिरहेको अवस्थामा गाउँकै केही युवाले अपब्द नबोल्न भनेपछि भनाभन भएको थियो । झगडालाई छुट्याउन जाँदा पुलामीमाथि नै काठको चिरपट र बाँसको भाटा प्रहार भएको थियो । पुलामीको हत्याको आरोपमा प्रहरीले ५ जनालाई तत्कालै सोहि राती पक्राउ गरेको थियो भने सो घटनामा संलग्न एक जना फरार रहेको बताएको थियो तर घटनामा अझै दुईजना गरि कुल आठजनाको संलग्ना रहेको भन्दै प्रहरी अनुसन्धान गरिरहेको छ । पक्राउ परेकामा सबैला नगरपालिका–१ सवैला बस्ने कपिल सदा, धर्मदेव राउत, जीतेन्द्र राउत, अशेष यादव र सबैला–४ कोठिया बस्ने मनु भने अमित यादव यादव रहेको प्रहरी नायब उपरीक्षक रामेश्वर कार्कीले बताए । सो घटनामा संलग्न सवैलाकै अमरजीत राउत, परिक्षण यादव र रोहित गोसाइ भने फरार छन् ।
