जनकपुरधाम, फागुन २६ : जनकपुरधाम जेसिजले होली मिलन समारोहको आयोजना गरि शुभकामना आदान प्रदान गरेको छ । प्रदेश २ का उद्योग पर्यटन बन तथा वातावरण राज्यमन्त्री युवा नेता सुरेश मण्डलको पस्थितीमा जेसिजले युवाहरुको भेला गरि शुभकामना आदान प्रदान गरेको हो । कार्यक्रमलाई सम्बोधन गर्दै राज्यमन्त्री मण्डलले युवाहरुमा सकारात्मक सोचको आवश्यकता रहेको बताए । युवाहरुले नै देशको लागि केहि गर्न सक्ने शिद्द भइसकेकाले समेत जनकपुरधामको विकासका लागि युवाहरु डिजिटाइजिङ्ग जनकपुरधामको योजना ल्याउनु पर्ने बताए ।
कार्यक्रममा समाजसेवी ई. प्रकाशचन्द्र साहले जनकपुरधाम विकासमा युवाहरुको भुमिका निर्णायक हुने भएकाले होलीमा एकता र सदभावको खोजी गर्नुपर्ने बताए । कार्यक्रममा जनकपुरधाम जेसिजका अध्यक्ष जेसिज गौतम कुमार साह, मनिष रमन साह सहित जनकपुरधामका विभिन्न क्षेत्रका अगुवा युवाहरुको सहभागिता रहेको थियो ।
