एसपी रिपोर्टर
जनकपुरधाम, असार ३० : लायन्स क्लव इन्टरनेशनलले आज देशभरिमै ५० लाख बराबरको करिव २९ हजार थान भिटिएम किट वितरण गरेको छ । देशको कुल २६ अस्पताल र कोभिड १९ प्रयोगशालाहरुमा स्थानिय लायन्स क्लवहरुको समन्वयमा लायन्स क्लव अन्तराष्ट्रियले सो परिमाणमा भिटिएम किट वितरण गरेको हो ।
जस अन्तर्गत जनकपुरधाम प्रादेशिक अस्पतालको प्रयोगशालामा पनि ८ सय थान किट प्रदान गरिएको छ । मंगलवार समाजिक विकास मन्त्री नवल किशोर साहको हातवाट प्रयोगशालाका प्रतिनिधीलाई सो किट हस्तान्तरण गरिएको छ । क्लवका रिजन चेयर पर्सन निर्मल सिंहानियाको अध्यक्षता, मन्त्री साहको प्रमुख आतिथ्य र क्लवका एरिया कोअर्डिनेटर मनिष रमन साहको विशेष आतिथ्यतामा मन्त्री निवासमा आयोजित एक समारोहका बिच लायन्सहरुले सो समान हस्तान्तरण गरेका हुन ।
लायन्स क्लव अफ जनकपुर, लायन्स क्लव अफ जनकपुर जानकी, लायन्स क्लव अफ जनकपुर मिथिलाञ्चल, लायन्स क्लव अफ जनकपुर राजधानी सहितका अध्यक्ष र पदाधिकारीहरु, तथा पुर्व अध्यक्षहरुको सहभागितामा मन्त्री साहको मार्फत प्रयोगशाला जनकपुरधामलाई सो समानहरु प्रदान गरिएको छ ।
लायन्य क्लव अफ जनकपुर जानकीका पुर्व अध्यक्ष लक्ष्मी नारायण साहले सञ्चालन गरेको कार्यक्रममा मन्त्री साहले लायन्स क्लवहरु जस्ता समाजिक संस्थाहरुले कोभिड १९ महामारीमा प्रदेश सरकारलाई गरेको सहयोग सराहनीय रहेको बताए । यो महामारी विदेश, देश, प्रदेश, जिल्ला र गाँउनगर सवैको लागि रहेकाले सवैको साथ र सहयोगले मात्र नियन्त्रण हुन सक्ने मन्त्री साहको भनाई थियो । लायन्स मनिष रमण साह, पुर्व अध्यक्ष तथा समाजसेवी ई. प्रकाशचन्द्र साह, जसपा नेतृ विभा ठाकुर सहितकाले प्रदेश सरकार यस्ता संस्था र सहयोगी हातहरुसंग मिलेर अगाडि बढनु पर्ने बताए ।
