एसपी रिपोर्टर
जनकपुरधाम, भदौ २२ : लोकतान्त्रिक समाजवादी पार्टी (लोसपा) नेपालका मधेश प्रदेश अध्यक्षले चिनियाँ राजदुत चेन सोङले काठमाडौंको एक कार्यक्रममा दिएको अभिव्यक्ति आपतीजनक रहेको बताएका छन् ।
नेपाल र भारत बीचको आर्थिक सम्बन्ध लगायतको विषयमा उनले गरेको टिप्पणी कुटनीती मर्यादा बिपरित रहेको सोनलको तर्क छ । एउटा सार्बभौमसत्ता सम्पन्न देशको बारेमा यस्तो बिचार राख्नु लाई हेपहा प्रवृती वाहेक केहि भन्न नसकिने भन्दै उनले घोर भत्सर्ना गरेको छ ।
कहिले एमसिसिको बारे त कहिले उर्जा त कहिले नेपाल भारतको सांस्कृतिक सम्बन्ध बारे अनावश्यक टिप्पणी हेपहा प्रवृत्ति हो सोनलले एसपी खवरसंग भनेका छन् । उनले राजदुत सोङ लाई अविलम्ब स्पष्टीकरण सोध्नुपर्ने र सम्बन्धित निकायाले चीन सरकारसंग पहल गरि सोङ लाई नसिहत दिइ तुरन्त फिर्ता पठाउनु पर्ने सरकारसंग मांग समेत गरेका छन् । उनले राजदुतको सो प्रवृतिको विरोधमा पार्टीले विरोध प्रदर्शनको समेत तयारी गरेको बताए ।
