एसपी रिपोर्टर
जनकपुरधाम, बैशाख १९ : मधेशका अर्थमन्त्री सञ्जय कुमार यादवले मधेश सरकारले छिट्टै मैथिली र भोजपुरीलाई सरकारी कामकाजको भाषाको मान्यता दिने बताउनुभएको छ । नेपालीलाई यसअघि नै आरक्षित गरिए पनि मधेसका मातृभाषालाई उचित सम्मानका लागि हिन्दी, अंग्रेजीलगायत भाषाले यो सम्मान पाउने उनले बताए ।

मधेश प्रज्ञा प्रतिष्ठानले आयोजना गरेको प्रदेश स्तरीय संवाद कार्यक्रममा अर्थमन्त्री यादवले प्रमुख अतिथिका रुपमा बोल्दै यस्तो बताएका हुन् । विगतमा केन्द्र सरकारले मधेसको भाषा, साहित्य, संस्कृति, कला र अन्य विधाप्रति उदारता न देखाउँदै कमजोर बनाउँदै आएको बताए ।

मधेस प्रज्ञा प्रतिष्ठानका अध्यक्ष राम भरोस कपाडी भम्ररको अध्यक्षतामा नेपालका प्रख्यात भाषाविद् डा. रामावतार यादवले मधेसको भाषा लोपोन्मुख अवस्थामा छ, न बोलिने हो भन्ने हो भने खतरामा हुनु स्वभाविकै हो भनी तर्क गर्नुभयो । उनले मधेसका प्रमुख मातृभाषाहरूलाई छिट्टै सरकारी कामकाजको भाषाका रूपमा मान्यता दिन मधेस सरकारलाई आग्रह गर्नुभयो ।

मधेश प्रज्ञा प्रतिष्ठानका अध्यक्ष राम भरोस कापडि़ भ्रमरले राज्यका सबै मातृभाषाको संरक्षण र प्रवद्र्धनका साथै राज्यका साहित्य, संस्कृति, कला, गीत, संगीत र नाट्य विधाको विकासका लागि प्रतिष्ठानले हरसम्भव प्रयास गर्ने आश्वासन दिए । कार्यक्रममा पाहुनालाई स्वागत गर्ने चलनलाई परिवर्तन गरी रंगमञ्चमा स्वागतका लागि सांस्कृतिक पहिरन र पगडी लगाउने समय आएको उनले जोड दिए ।

निकट भविष्यमा नेपाल र भारतका ख्यातिप्राप्त इतिहासविद्, भूगोलविद्, संस्कृतिविद्, पुरातत्वविद्, समाजशास्त्रीहरू भेला गराइने र मधेसको इतिहास, संस्कृति, भूगोललगायत विभिन्न विषयमा छलफल गरी अन्तर्राष्ट्रिय स्तरको संवाद कार्यक्रम आयोजना गरिने पनि अध्यक्ष कापडीले जानकारी दिए । प्राप्त हुने त्यस्ता सुझाब र मार्गदर्शन को आधार मा मधेश को इतिहास लेखिने कुरा पनि उहाँ ले थप्नु भयो ।

कार्यक्रममा बोल्दै नाट्य कलाकार तथा प्राज्ञ रमेश रञ्जन झाले मधेसका आठ जिल्ला मध्ये मात्र धनुषामा नाटक जीवित रहेको बताउनुभयो । कार्यक्रमको सुरुमा प्रतिष्ठानका सदस्य दिनेशकुमार यादवले अतिथिहरुलाई स्वागत गरेका थिए । त्यसैगरी प्रमुख अतिथि अर्थमन्त्री यादवले पहिलो त्रैमासिक बुलेटिन प्रज्ञादर्पणको शुभारम्भ गर्दै फाउन्डेसनको वेबसाइटको उद्घाटन गरेका थिए ।

कार्यक्रममा मधेस प्रदेश का सप्तरी, सिरहा, धनुषा, महोत्तरी, सर्लाही, रौतहट, बारा र पर्साका आठ जिल्लाका भाषा, साहित्य, संस्कृति, कला, गीत, संगीत र नाट्य क्षेत्रका ७० भन्दा बढी प्रतिनिधिहरुको सहभागिता रहेको थियो । उक्त अवसरमा प्रतिष्ठानले प्रकाशन गरेको भित्तेपात्रो समेत वितरण गरिएको थियो ।