एसपी रिर्पोटर
जनकपुरधाम, असोज ८ : जनकपुरमा नेकपा (एमाले) का अध्यक्ष केपी शर्मा ओलीलाई कालो झण्डा देखाउने प्रयास भएको छ । शनिबार जनकपुर विमानस्थलबाट जनकपुर–जयनगर रेल चढ्न जाने क्रममा उहाँलाई जनता समाजवादी पार्टी र एकीकृत समाजवादीका कार्यकर्ताले कालो झण्डा देखाउने प्रयास गरेका हुन् ।
जनकपुर विमानस्थलबाट उहाँ गाडीमा अगाडि बढेपछि नजिकै सडकमा कालो झण्डा लिएका युवा देखिएका थिए । तर प्रहरीले उनीहरूलाई तुरुन्तै नियन्त्रणमा लिएको थियो । अध्यक्ष ओली सवार गाडी अगाडि बढेपछि कालो झण्डा देखाउने प्रयास गर्ने युवाहरूलाई हटाइएको जिल्ला प्रहरी कार्यालय धनुषाले जनाएको छ ।
उहाँलाई रेलवे स्टेशनको नजिक पनि केही युवाहरूले कोलो झन्डा देखाउने प्रयास गरेका थिए । तर प्रहरीले रोकेको थियो । राष्ट्रपति विद्यादेवी भण्डारीले नागरिकता विधेयक प्रमाणिकरण नगर्नुमा एमालेको मुख्य भूमिका रहेको भन्दै मधेशका विभिन्न जिल्लामा विरोध भइरहेको छ ।
