एसपी रिपोर्टर
जनकपुरधाम, चैत २८ : शुक्रवार साँझ ६ बजे साँझ पर्न लागेको समय । अञ्चल अस्पताल हालको प्रादेशिक अस्पताल जनकपुरधामको सुनसान सडक । सडको पेटीमा भने १ जना उभिएको र विरामी सहित पाँचजना बसेको तथा उपचारको विषयमा कुराकानी गरिरहेको सुन्नासाथ सडको पेटीवाट रामानन्दचौक तर्फ जाँदै गरेको एसपी खवरका संवाददाता उनीहरुको छेउमै एक छिन उभिएर कुराकानी सुन्न थाल्छन् । उनीहरुबिचको संवाद यस्तो हुन्छ ।
उभिएका दलाल, – के गर्नुहुन्छ डा. गौरारांग मिश्र, डा. कुल्दिप पण्डित अहिले क्लिनीक आउनु हुन्न, घरवाट वाहिर निस्कनु हुन्न, के गर्ने ?
विरामीका एकजना आफन्त, –उनलाई पहिला पनि जँचाएको हो निको भएन, अव राम्रो डा.संग देखाउने विचार छ के गरौं के गरौं ?
दलाल, – छिटो बिचार गरेर भन्नोस, मलाई अर्को पनि काम छ ।
विरामीको अर्का आफन्त, – कि जानकी हेल्थ केयरमा जचाँइ दिउँ ?
दलाल– त्यस्तो चक्करमा नपर्नोस पैसा चुसाइ हाल्छ अहिले ।
विरामी पक्ष– त के गर्नु भन्नु न सर ?
दलाल, एकजना मुस्लिम थरका चिकित्सको नाम लिदै– हिन्नोस काठमाण्डौवाट आएको डाक्टर …..संग जँचाई दिन्छु, ढुक्क हुनुस ।
यो वार्तालाप सुनेका संवाददाता सम्पादकलाई खवर गर्दा र एउटा सुटुक्क खिचेको तस्वीर फेसबुक म्यासेन्जरमा पठाउँदा सम्म प्रहरीलाई समेत यस विषयमा जानकारी भइसकेको हुन्छ । संवाददाताका अनुसार समाचार तयार गरिरहँदा जानकीचौकीवाट खटिएको प्रहरी टोलीले त्यो दलाललाई प्रकाउ गरि सोधपुछका लागि चौकीमा लगि सकेका छन् । धनुषा प्रहरी स्रोतका अनुसार पक्राउ पर्नेमा जनकपुरधाम उपमहानगरपालिका वडा नं. १० का रामशंकर यादवको छोरा ४२ वर्षको राजेश यादव रहेको बताइएको छ । कोरोनाको त्रासका कारण जनकपुरधाममा निजि क्लिनीक चलाउने चिकित्सकहरु क्लिनीक बन्द गरेर घर घर छिरेपछि समान्य विरामीहरुलाई सास्ती खेप्नु परेको यो सानो उदाहरण मात्र हो । उपचारको अभावमा जनकपुरधाममा पिरोलिएका यस्ता धेरै विरामी र उनका आफन्तजनहरुको कथा कहाली लाग्दो छ ।
