एसपी रिपोर्टर
जनकपुरधाम, चैत २३ : कोरोनावाट बच्नका लागि सरकारले जारी गरेको लकडाउनको १३ औं दिन गरिव विपन्न परिवारहरु अति प्रभावित बनेका छन् । केहि संघ संस्थाहरु यस्तोवेला सहयोग नगरेको भए समाजमा भोकमरीको अवस्था पनि सृजना हुनसक्ने सम्भावित दुर्भाग्यलाई समाजसेवीहरु अहिले सम्म टारिरहेको अवस्था छ । यसै क्रममा जनकपुरधाम स्थित लाइन्स क्ल्वहरुले संयुतm रुपमा राहत सामाग्री वितरण गरेको छ ।
दैनिक ज्यालादारी गर्ने कुनै पनि जात र धर्मका परिवार यसवाट प्रभावित रहेकाले क्लवहरुले आईतवार ति परिवारहरुको घर घरमै पुगेर खाद्यान्न समाग्री वितरण गरेका छन् । त्यस्ता परिवार पता लगाएर घरमै पुगि ५ किलो चामल, ५०० ग्राम दाल, २ किलो आलु, १ किलो नुन, १ पिस साबुन, ५०० ग्राम सोयाबिन सहितको सामाग्रीहरु करिव ३ सय ५० परिवारलाई वितरण गरेको उनीहरुले बताए । लायन्स क्ल्व अफ जनकपुर, लायन्स क्ल्व अफ जनकपुर जानकी एवं लायन्स क्ल्व अफ जनकपुर राजधानीले सयुक्त रुपमा यस नगर भित्रका बसहिया, पिडारी, मुजेलिया, रजौल, जानकी नगर, कपलेश्वर, बेला, बाह्रबिगहा र वडा न ११ मा समाजिक दुरीको नियमलाई पुर्ण पालना गरि घर–घर मा गई खाधान्न बितरण गरेका हुन ।
महिलाको संस्था समेत अगाडी आयो
अभावै अभाव रहेकावेला गरिवहरुले राज्यको अनुभुति गर्न नसकिरहेको अवस्थामा बिषम परिस्थितिमा पनि महिला डेभलोप्मेनट ओर्गनाइजेशन सहयोगका लागि अगाडि बढेको छ । अध्यक्ष विजेता झाको पहल र न्यू रवि जेवेलर्सका संचालक शशी कु. साहको सहयोगमा जनकपुरधामको शान्ति नगर वडा नं. ४ को २५ घर परिबार जो अरुको घरमा भाडा वर्तण माझेर गुजारा गर्छन ति घरका अतिनै बिपन्न महिलाहरुलाइ राहत स्वरुप खाद्यान्न समाग्री वितरण गरिएको छ ।
युवाहरुको सहयोग निरन्तर अगाडि बढदै
जनकपुरधाम उधोग वाणिज्य संघका कार्यसमिति सदस्यहरु तथा एसोसिएट सदस्यहरुको समुहले समेत राहत वितरण गर्ने क्रममा विभिन्न ठाँउमा गरिवहरुलाई खाद्यान्न समाग्री वितरण गरिरहेका छन् । उनीह्रुको व्यक्तिगत लगानी र सहयोगमा निरन्तर राहत बितरण भइरहेको छ । आईतवार कुल ५० परिवारलाई ७ दिन सम्म चल्ने खाद्यान्नका समानहरु वितरण गरिएको छ । संघका एसोसिएट सद्स्य राजिव कुमार शाह(चन्दन), कार्यकारणी सदस्य परमेश्वर साह , गणेश शाह, निरज शाह, अजय कुमार गुप्ता, फुलगेन साह, अनिल प्रधान, शंकर पाशवान, लक्ष्मण साह सहितको व्यक्तिगत सहयोगमा राहत वितरण गरिदैछ ।
