पुरन रौनियार
जनकपुरधाम, भदौ ४ : धनुषाको नगराईन नगरपालिका वडा नं. ३ फुलगामा निवासी श्याम साहलाई छातीमा समस्या र स्वाँस फेर्न समस्या भयो । नगरपालिकाको वडा नं. ४ स्थित सिदार्थ पब्लिक स्कुलका प्रिन्सपील समेत रहेका साहलाई उनका परिवारजनले बुधवार विहान ८ ः ३० मा जनकपुरधाम प्रादेशिक अस्पताल पुरयाए । उनलाई इमरजेन्सीमा भर्ना गरियो र चिकित्सकले अक्सिजन चाहिन्छ भन्दै आइसियु रेफर ग¥यो तर प्रादेशिक अस्पतालको आसियु बन्द छ पनि भनियो ।
त्यसपछि मृतकका भान्जा विजय साह र उनका नातेदार जनकपुरधाम उद्योग बाणिज्य संघका सदस्य अनिल प्रधान आइसियुको खोजविनमा लागे । आफनो हिसावले नेता, समाजका अगुवा सहित अस्पतालै अस्पताल भौतारिएका उनीहरुलाई जनकपुरधामको कुनै पनि अस्पतालमा आइसियु भेटेन । कसैले पनि आइसियु खाली नरहेको बताएपछि उनीहरु विभिन्न सम्पर्कका माध्यमले हेलिकप्टर (एयर एम्बुलेन्श)कोे खोजीमा लागे ।
सुरुमा दुई लाख मागेको हेलिकप्टर पनि प्रदेश २ को नाम सुन्ने वितिकै आलटाल गर्न थालेपछि साढे तिनलाखमा चार्टर प्लेन समेत मगाउन मृतकका परिवारजन पैसा सहित तयार भए तर त्यो पनि अन्तिममा काम लागेन । यो त्यो भन्दै प्लेन समेत आउन मानेन र त्यसपछि सुरु भयो एम्बुलेन्सको खोजी । दमको विरामी भन्ने वितिकै एम्वुलेन्सवालाहरु फोन काटि दिन्थ्यो, मृतकका भान्जा साह भन्छन, ‘ डरले सवैले हाम्रो एम्बुलेन्समा अक्सिज छैन भन्थे कति हार गुहार गरेपछि एउटा बल्ल उपाय भयो ।’
साढे आठबजे विहान इमरजेन्सीमा भर्ना भएका विरामीलाई काठमाण्डौका लागि वेलुकी साढे चारबजे एम्वुलेन्समा हालियो र काठमाण्डौं तर्फ लगियो । सिन्धुली भन्दा माथीको उचाँइमा पुगेपछि विरामीको अवस्था नाजुक भयो र साँस फेर्न अप्ठेरो भयो । भान्जा साह भन्छन, ‘एम्बुलेन्समा अर्को अक्सिजन सिलिन्डर पनि थियो हामी अर्को अक्सिजन फेर्यौ तर ढिला भइसकेको रहेछ ।’ अन्ततः खुर्कोट पुगेपछि साँझ ७ः४५ मा विरामी साहले दम तोडे ।
परिवारजन अझै आशावादी थिए उनीहरु धुलिखेल अस्पताल सम्म गएर मृत्यु भए नभएको बुझन चाहेका रहेछन् । एकदमै हार गुहार गरेपछि त्याहाँका चिकित्सकले हेरे र साहलाई मृत घोषणा गरेपछि सवैको आशा टुटयो र शव एम्बुलेन्समा राखेर परिवारजन घर फर्किने निधो गरे । मामा ब्लडप्रेस, हर्ट, दम्मा र समान्य सुगरका विरामी पनि हुनुहुन्थ्यो, मृतकका भान्जा विजयले भने, ‘ तर पनि प्रादेशिक अस्पतालमा पिसिआरका लागि स्वाब संकलन भएको छ, रिपोर्ट आउन भने वाँकी छ ।’ यद्यपि मृत शरिरको भने विहिवारनै दाहसंस्कार गरिएको छ ।
जनकपुरधाममा उपचार र आइसियु भयो दुलर्भ
मृतकका भान्जा विजयले आइसियु खोज्न जनकपुरधाममा घण्टौ घण्टा समय लागेको र हेलिकप्टर पनि आउदै छु भन्दा भन्दै तिन चार घण्टा समय व्यतित गराएर समेत नआँउदा धेरै समय जनकपुरधाममै व्यतित भएको बताउदै आइसियु र अक्सिजनको अभावमा मामाको मृत्यु भएको दुःखेसो व्यक्त गरेका छन् । पहिला आइसियु खोज्न जनकपुरधामको लगभग सवै अस्पताल जानकी हेल्थकेयर, रामजानकी, काव्या, सिटी सहित लगभग सवैमा भौतिरिएको त्यसपछि हेलिकप्टर, प्लेन र एम्बुलेन्स खोज्दा खोज्दै साढे चार बजेको उनको कथन छ ।
कुनै शिप नलागेपछि एम्बुलेन्समा काठमाडौैं लैजादै गर्दा खुर्कोटमा साँझ ७ः४५ मा उनको मृत्यु भएको उनले बताए । एकातिर कोरोना संक्रमितहरु क्वारेन्टाइन र आइशोलेसनमा जोखिम र पिडामा छन भने अर्को तिर अचानक विरामी हुने गरेकाहरु उपचारको अभावमा मृत्युवरण गरिरहेका छन् । अस्पतालमा उपचार गराएका कुनै पनि विरामीमा संक्रमण पता लागेपछि जनकपुरधाममा अस्पतालहरु शिलबन्दी हुने गरेका छन भने चिकित्सक र नर्शहरु समेत भागाभाग हुने गरेका छन् ।
