एजेन्सी
साउन २९ : भारत उत्तर प्रदेशको अयोध्यामा केहि दिन पुर्व श्री राममन्दिरको शिलान्यास एवं भूमिपुजनमा सहभागी एक वरिष्ठ साधुमा कोरोना संक्रमण पुष्टी भएपछि खुवै चर्चा पाएको छ । भारतिय प्रधानमन्त्री मोदसंगै पुजापाठ र मञ्चमा सहभागि मन्दिर ट्रष्टका अध्यक्ष समेत रहेका नृत्य गोपाल दास महाराजमा कोरोना सक्रमण देखिएको छ ।
दास अयोध्यावाट कृष्ण जन्मोत्सवमा मथुरा पुग्दा उनमा ज्वरो, जिउ दुख्ने र स्वाँसप्रस्वाँसमा समस्या देखिएपछि कोरोना संक्रमण पुष्टी भएको हो । उतर प्रदेशका मुख्यमन्त्री योगी आदित्यनाथले दासलाई प्राथमिक उपचार गरि दिल्लीको मेदान्ता अस्पतालमा भर्ना गर्न पहल थालेका छन् ।
भारितय सञ्चार माध्यमका अनुसार उनमा संक्रमण कहिले देखि भएको टे«सिंङ्ग हुन वाँकी रहेको छ । उनको आश्रममा भक्तहरु आउने गरेको, भण्डारा पनि निरन्तर हुने गरेकाले उनलाइ कुनै पनि वेला संक्रमण हुन सक्ने सम्भावना रहेकाले अहिले नै केहि भन्न नसकिने बताए ।
राम मन्दिर भूमि पूजन कार्यक्रमको समुदघाटन गर्दा गोपालदाससँगै प्रधानमन्त्री मोदी, उत्तर प्रदेशका मुख्यमन्त्री योगी आदित्यनाथ, उत्तर प्रदेशकी गभर्नर आनन्दी बेन पटेल, आरएसएसका मोहन भागवत लगायतका व्यक्तिहरु सहभागी भएका थिए र उनीहरु एकैसाथ स्वीच थिचेर समुदघाटन समेत गरेका थिए । दास बृद्व रहकाले उनलाई मञ्चमा रहेकाले अधिकांशले पक्रेर उठाएका थिए ।
