एसपी रिपोर्टर
काठमाडौं, जेठ ४ : भारतले लिपुलेक र लिम्पिया धुरासहितका भुभाग अतिक्रमण गरेको विषयमा नेपालका जनता र नेपाली सरकार अल्झिरहेका वेला चिन र भारतमा भने सगरमाथाको प्रसंग तातेको छ । नेपालमा अलिहे खासै चर्चामा नरहेको विश्वकै सर्वोच्च शिखर सगरमाथा चिनले कब्जा गर्न लागि परेको तथ्यहरु भारतिय सञ्चार माध्यमले उठाउन थालेको छ ।
हेर्नोस भिडियो ।
एकातिर नेपालको भुभाग भारतले कब्जा गरेर सडक बनाएको र नेपालवाट पर्यटकहरु यात्रा गर्दा करोडौं आम्दानी हुने मानसरोवरको बाटो निर्माण गरि नेपालको मुख्य आम्दानीको स्रोत खोसेको आरोप लागि रहेको छ । अर्कोतर्फ चिनले सगरमाथालाई तिब्बतमा अवस्थित रहेको र तिब्बत आफनो आफनो कब्जा रहेको भन्दै माउन्ट एभरेष्टमा पनि फाइभ जी सेवा सुरु गरिसकेको समाचारहरु वाहिर आइरहेको छ । यद्यपि नेपालमा चिन भन्दा भारतिय विस्तारवादको बढि चर्चा र विरोध हुने गरेको छ ।
कतिपयले त महामारी र लकडाउनको मौका छोपेर भारत मानसरोवरको मुख्य नाकाहरु र चिन सगरमाथा माथी नै आँखा लगाएको हुन सक्ने समेत अडकलवाजी गर्न थालेका छन् ।
