एजेन्सी
जनकपुरधाम, बैशाख १८ : बलिवुड जगतका स्मार्ट बोय र सदाबहार अभिनेता मानिएको अनुभवि कलाकार ऋषी कपुरको पनि आज निधन भएको छ । बुधवार एक अनुभवी र सदाबहार अभिनेता इरफान खानलाई गुमाएको बलिउड आज पुन ः एक कुशल अभिनेता गुमाएको छ ।

हिजो मात्र बलिवुडका अर्का हस्ती इरफान खानको निधनपछि स्तब्ध भएका बलिवुड जगत आज पुनः एक हस्ती गुमाएको छ । भारतीय मिडियाहरुका अनुसार उनको आज ६७ वर्षको उमेरमा निधन भएको हो । बलिवुडमा ऋषी कपुर कैयौं सुपर डुपर हिट फिल्म दिएका छन् । बलिवुडको फिल्म जगतमा उनलाई स्मार्ट बोयको रुपमा चिनिन्थ्यो ।

लगतै बलिवुडका महानायक अभिताभ बच्चनले टवीट गर्दे आफू पूर्णत भाँचिएको प्रतिक्रिया दिएका छन् । ईरफान खान त्यसपछि २४ घण्टा नबित्दै ऋषी कपुरको मृत्यूपछि आफू टुटेको उनको टवीट छ । भारतका प्रधानमन्त्री देखि विभिन्न दलका शिर्षनेताहरु दुःख व्यतm गर्दै बलिउडका लागि दुर्भाग्यपुर्ण समय रहेको बताइरहेका छन् । बलिवुडका हस्तीहरुमा एकपछि अर्कोको निधन भएपछि सिँगो सिने जगत नै स्तब्ध भएको छ । बुधबार उनलाई एचएन रिलायन्स हस्पिटलमा भर्ना गरिएको थियो । उनका भाइ रन्धीरका अनुसार उनलाई साँस लिनमा समस्या भइरहेको थियो । उनी क्यान्सरको विरामी भएर केहि समय अगाडि मात्र उपचार गराएर फर्किएका थिए । अलविदा ऋषी