एसपी रिपोर्टर
जनकपुरधाम, भदौ ९ : नेकपा एमालेका प्रभावशाली नेता तथा पुर्व शहरी विकास मन्त्री प्रभु साहले वर्तमान राजनितिक प्रणालीले देशमा शान्ति शुव्यवस्था सम्भव नरहेको भन्दै समाजवादी व्यवस्था आवयश्क रहेको बताएका छन् ।
प्रदेश २ को राजधानी जनकपुरधाममा पुर्व मन्त्री साहकै योजनामा देश ब्यापी स्थापना गरिएको आइटी आर्मीको धनुषा भेलालाई सम्बोधन गर्दै पुर्व मन्त्री साहले वर्तमान राजनिति व्यवस्थाले देशमा परिवर्तणको बास्तिवक फल, शान्ति सुरक्षा, शुसासन र विकास सम्भव नरहेकाले समाजवाद व्यवस्थामा जानु पर्ने बताए ।
देशमा विद्यमान व्यतिथी, दुराचार, अपराध सवैको कारण अहिलेको राजनितिक प्रणाली रहेको उनको धारणा थियो । सञ्चार र प्रविधिको विकास संगै युवाहरुको त्यसमा सदुपयोग गर्न सक्नु पनि अहिलेको मुख्य चुनौती रहेको उनको धारणा थियो ।
सञ्चारको विकास भएको तर देशमा युवा र प्रविधीको सदुपयोग कति छ छैन बुझन आवयश्क रहेको उनको तर्क थियो । आइटी आर्मीका राष्ट्रिय संयोजक चन्द्रभुषण साहले देशको आमुल परिवर्तणको सम्वाहक युवालाई भन्ने तर नेतृत्वबाट बञ्चित गर्ने परम्पराले समस्या भएको बताए ।
उनले देशमा भएको परिवर्तणको सम्वाहक भन्ने मात्र होइन युवालाई परिवर्तणको व्यवस्थापक र नेतृत्वकर्ता बनाउनु पर्ने बताए । भेलाबाट आइटी आर्मीको १ सय ७ सदस्सीय धनुषा समिति घोषणा गरिएको छ । सबैला नगरपालिकाका युवा प्रेम साहको नेतृत्वमा आइटी आर्मीको एक सय सात सदस्सीय तर्दथ समिति गठन भएको बताइएको छ । कार्यक्रममा एमालेका नेता लाल गोइत, युवा संघका उपाध्यक्ष संजिव झा सुरज, दिनेश सिंह, जानी खान सहितको सहभागिता थियो ।
