पुरन रौनियार
जनकपुरधाम, जेठ ३२ : भारतीय हाफ आइल कतरनी चामल नेपालमा खुवै बजार लिएको छ । मिठो र मसिनो हुने यो भारतिय चालमको विकल्पमा नेपाली ब्रान्डा विस्तार गर्ने निति समेत राज्यले अवलम्वन गर्न थालेका छन् । नेपालमै यस्को सुरुवात सर्लाहीवाट भएको दावी समेत गरिएको छ ।
नेपालीहरु भान्सा भान्सामा भारतिय कतरनी चालम देख्न सकिन्छ । नेपाली समाज धान उत्पादनमा आफै पनि आत्मनिर्भर बन्ने क्षमता राखे पनि अहिले भारतिय चालमको बिगबिगी छ । तर यसको न्युनीकरण र कतरनी मिठो मसिनो चालमको आफनै नेपाली ब्रान्ड विस्तारका लागि राज्य र निजि क्षेत्र अगाडि आउन थालेको छ ।
राष्ट्रिय कृषि अनुसन्धान परिषद धानवाली कार्यक्रमले प्राविधिक सहयोग स्वरुप उपलब्ध गराएको धानको दुई प्रजाती रामधान र साम्वा मन्सुलीको बिउ किसानलाई उत्पादन गर्न लगाएर यस मिलले त्यसको चालम अंश नामक नेपाली ब्रान्डको रुपमा बजारमा ल्याएको छ । सर्लाही स्थित मिलमा विज्ञहरु र राज्यका प्रतिनिधीहरुलाई बोलाएर उदघाटन गरि मिलले सो धान बजारमा ल्याएको छ ।
नेपालमै पहिलो पटक राजयको सुझाव अनुसार निजि क्षेत्रले नेपाली ब्रान्डको चालम बजारमा ल्याउन थालेको दावी गरिएको छ । सर्लाहीको इश्वरपुर वडा नं. ७ स्थित ओम श्री शान्ति फुड प्रोडक्स एण्ड सप्लार्यसले राष्ट्रिधानवाली अनुसन्धान कार्यक्रमको सुझावमा नेपाली ब्रान्डको चामल बजारमा ल्याएको हो ।
धान विशेषज्ञ तथा धानवाली कार्यक्रम हर्दिनाथ संयोजक डा. रामवरण यादवले बिउ र प्रजातीको विशेषता र सम्भावनाको विषयमा जानकारी मात्र गराएको र बिना कुनै सहयोग मिलले विश्वास गरि आफनै लागनीमा नेपाली ब्रान्डको चालम बजारमा ल्याएको भन्दै यस्ले आत्मनिर्भरको विश्वासको वातावरण बन्ने बताए ।
प्रदेश २ भुमि व्यवस्था कृषि तथा सहकारी सचिव डा. विमल कुमार निर्मलले नेपालीहरुले पनि आफनै देशको ब्रान्डको चालम खाने बानी बसाल्नु पर्ने बताए । दुइचार रुपैया महंगो होला तर देशको ब्रान्ड माथी विश्वास हुन छाडनु गलत रहेको बताए । बजारमा ल्याइएको यो चामल भारतिय ब्रान्ड भन्दा राम्रो हुने उनको विश्वास छ ।
अन्य विज्ञ र जनप्रतिनिधीहरुले समेत चालम भनेको भारतिय नै मिठो हुने प्रवृती नेपाली समाजका लागि घातक रहेको बताउदै व्यवहार परिवर्तण गर्न सकिए नेपाली धान र चामल उत्कृष्ट रहेको बताउछन् ।
मिलका सञ्चालक मनोज कुमार साहले आफनै करिव ९ लाखको लागानीमा नेपाली ब्रान्डको बोरा प्रिन्ट गरि चालम बजारमा ल्याएका छन् । उनले चालम भारतिय चालम भन्दा मिठो र मसिनो रहेको बताए । निजि क्षेत्रको मनोबल बढाउन राज्यको सहयोगको समेत उनले अपेक्षा गरेका छन् । समुदघाटन कार्यक्रममा सर्लाहीवाट जसपाका प्रतिनिधीसभा सांसद प्रमोद साह, क्षेत्रीय कृषि अनुसन्धान केन्द्र परबानीपुर बाराका निर्देशक केशव प्रसाद श्रेष्ठ, कृषि विकास निर्देशनालय नकटाझिजका प्रमुख डा. रतन कुमार झा, तेलवाली अनुसन्धान कार्यक्रमका संयोजक डा. विन्देश्वर प्रसाद यादव सहित धानवाली कार्यक्रम हर्दिनाथ बनिनियाका कर्मचारीहरुको सहभागिता थियो ।
तस्वीर र दृश्य : संजय साह
