पुरन रौनियार
जनकपुरधाम, जेठ ३१ : प्रदेश २ सरकार चालु आर्थिक वर्षको तुलनामा करिव १५ प्रतिशत कम बजेट ल्याउने तयारी गरेको छ । चालु आर्थिक वर्षमा रु ३८ अर्व ७२ करोड ५६ लाख ६१ ह्जारको बजेट प्रस्तुत गरेको प्रदेश सरकार यस वर्ष ६ अर्व सम्म कम बजेट ल्याउने गरि तयारी गरिरहेको छ । अर्थात अगामि आर्थिक वर्षको बजेट ३२ अर्वको मात्र हुनेछ ।
निति आयोगका उपाध्यक्ष डा. भोगेन्द्र झाले संघिय सरकारले पौने चार अर्व अनुदान कम गरिदिएको र प्रदेश सरकारको आम्दानीको स्रोत समेत कम भएकाले स्थानिय स्रोत पनि २ अर्व सम्म कटौती हुने भएकाले अधिकत्म ३२ अर्वको मात्र बजेट घोषणा हुने सम्भावना रहेको बताउछन् ।
प्रदेश २ को आर्थिक मामिला तथा योजना मन्त्रालयमा चालु आर्थिक वर्षमा कति बजेट खर्च भयो त्यसको पनि कुनै हरहिसाव छैन । नाम उल्लेख नगर्ने सर्तमा एक अधिकृतले बल्ल मात्र काम सुरु भएकाले खर्चको एकिन भन्न नसकिने बताए । चालु आर्थिक वर्षको पुजीगत बजेटमा अहिले सम्म मोटोमोटी पाँच देखि सात प्रतिशत बजेट मात्र खर्च भएको छ भन्ने असारमा पनि १० प्रतिशत भन्दा बढी बजेट खर्च हुने सम्भावना छैन । अव बल्ल असारे कामहरु सुरु भएकाले यसरी हेर्दा पुजीगत तर्फ १५ देखि अधिकतम २० प्रतिशत मात्र बजेट खर्च हुने देखिन्छ ।
चालु खर्च तर्फ भने सन्तोषजनक बजेट खर्च हुने विज्ञहरु बताउछन् । तलव भत्ता सहितका खर्च हुनु स्वभाविक रहेकाले बजेट ८५ प्रतिशत खर्च हुने उनीहरुको बुझाई छ । चालु आर्थिक वर्षमा चालु खर्च तर्फ १९ अर्व २६ करोड १ लाख ९७ हजार अर्थात ४९.७३ प्रतिशत तथा पुँजीगत तर्फ १९ अर्व २६ करोड ५४ लाख ६४ हजार अर्थात ४९.७५ प्रतिशत बजेट छुटयाइएको थियो । त्यसैगरि वितिय व्यवस्था तर्फ २० करोड अर्थात ०.५२ प्रतिशत बिनियोजन गरिएको थियो ।
