एसपी रिपोर्टर
पर्सा, जेठ २१ : एक त व्यापार व्यवसाय बन्द अर्को तर्फ कर बुझाउन सरकारको उर्दी । जनकपुरधामका व्यापारीहरु थप समस्यामा परका छन् । जनकपुरधाम सहित देशै भरिका व्यापारी र खास गरि मध्यम स्तरका व्यापारीहरुलाई त झनै पिडा भएको छ । यसै सन्दर्भमा बिरगंजमा युवा व्यवसायीहरुले अर्थमन्त्रीलाई कपडा खोलेर बुझाएका छन् ।
संघिय अर्थ मन्त्री डा.युवराज खटिवडा लाई बिरगंज का युवाहरु ले आफ्नो कपडा खोलेर बुझाएका हुन । कोरोना भाइरस कोभिड–१९ को महामारीको बिपत्तिका बेला नेपाल सरकारले नै जारी गरेको लकडाउन २ महिना देखि निरन्तर जारी रहँदा पसल व्यापार बन्द रहेको र अहिले आएर कर तिराउने सरकारको रबैया आपती जनक रहेको भन्दै उनीहरु कपडा खोलेर अर्थ मन्त्रीलाई बुझाएका हुन ।
आफुहरु संत तिर्न केहि नरहेकाले कपडा बुझाएरै कर बुझाउने उनीहरुको भनाई थियो । नेकपाका नगर कमिटी अध्यक्ष समेत रहेका रहबर अन्सारी सहित बिरगंजका युवाहरुले आफ्नो कपडा फुकालेर अर्थ मन्त्री लाई बुझाएका हुन । विगत सावा दुई महिनाको लकडाउनका कारणले बजार बन्द भएपछि व्यवसायीहरु महामारको जोखिमको डर र त्रास मात्र नभई नोक्सान र पिडामा रहेकै वेला कर बुझाउनै पर्ने सरकारको नितिले व्यवसायीहरु थप तनाव र समस्यामा परेको उनीहरुको जिकिर छ ।
आन्तरिक राजश्व विभागले कर वुझाउने म्याद असार ७ गतेसम्म थप गरेको छ । विभागले मंगलबार मात्र जेठ २५ गतेभित्र कर तिर्नुपर्ने, नभए जरिवााना लाग्ने सूचना निकालेको थियो । त्यसको चौतर्फी आलोचना भएपछि विभागले बुधबार नयाँ सूचना निकालेर कर तिर्ने समय बढाएको हो ।
