एसपी रिपोर्टर
जनकपुरधाम, जेठ २१ : एक त व्यापार व्यवसाय बन्द अर्को तर्फ कर बुझाउन सरकारको उर्दी । जनकपुरधामका व्यापारीहरु थप समस्यामा परेका छन् । जनकपुरधाम सहित देशै भरिका व्यापारी र खास गरि मध्यम स्तरका व्यापारीहरुलाई त झनै पिडा भएको छ । यसै सन्दर्भमा जनकपुरधाम उद्योग वाणिज्य संघले धनुषाका प्रमुख जिल्ला अधिकारी मार्फत अर्थमन्त्रीलाई ज्ञापन पत्र बुझाएको छ ।
विगत सावा दुई महिनाको लकडाउनका कारणले बजार बन्द भएपछि व्यवसायीहरु महामारको जोखिमको डर र त्रास मात्र नभई नोक्सान र पिडामा रहेकै वेला कर बुझाउनै पर्ने सरकारको नितिले व्यवसायीहरु थप तनाव र समस्यामा परेको संघको जिकिर छ ।
संघका अध्यक्ष ललित कुमार साहको नेतृत्वमा जिल्ला प्रशासन कार्यालय पुगेको व्यवसायीहरुको टोलीले बुझाएको ज्ञापन पत्रमा वर्तमान असहज अवस्थावाट देशका उद्योगी व्यवसायी र आर्थिक क्षेत्रको पुर्नउत्थानका लागि विश्वका कैयौं देशहरु कुल ग्राहस्थ्यको ठुलो हिस्सा खर्च गरिरहेको परिपेक्षमा नेपाल सरकार त्यसो गर्नुको साटो उल्टै कर असुलीको लागि सुचना जारी गर्नु राजयको उदासिनता रहेको उल्लेख छ ।
संघका महासचिव जितेन्द्र महासेठले आफुहरु विभागको सुचना अनुसार करको सुची र कर बुझाउन असमर्थ रहेको बताउदै राज्य गम्भिर नभए उत्पन्न हुने परिस्थितीको जिम्मेवारी राज्यले नै लिनुपर्ने चेतावनी दिएका छन् । साथै संका पदाधिकारीहरुले लकडाउनको विकल्प खोज्न समेत मांग गरेको छ । राज्यले एक रोड म्याप बनाएर लकडाउनको विकल्प विस्तारै खोज्दै जानुपर्ने संघको मांग छ ।
आन्तरिक राजश्व विभागले कर वुझाउने म्याद असार ७ गतेसम्म थप गरेको छ । विभागले मंगलबार मात्र जेठ २५ गतेभित्र कर तिर्नुपर्ने, नभए जरिवााना लाग्ने सूचना निकालेको थियो । त्यसको चौतर्फी आलोचना भएपछि विभागले बुधबार नयाँ सूचना निकालेर कर तिर्ने समय बढाएको हो ।
टोलीमा संघका वरिष्ठ उपाध्यक्ष जितेन्द्र प्रसाद साह, उपाध्यक्ष सुरेन्द्र भण्डारी, कोषाध्यक्ष अशोक चौधरी सहित पदाधिकारीहरुको सहभागिता थियो ।
यस्तो जउबासंघले बुझाएको विज्ञप्ती
