एसपी रिपोर्टर
रौतहट, असोज २ : कोरोनाको परिक्षण अव रौतहट जिल्लामै हुने भएको छ । बिश्वब्यापी रुपमा फैलिएको कोरोना महामारीवाट प्रतिरक्षाका लागि प्रदेश सरकारले पिसिआर टेस्टको दायरालाई बढाउन प्रदेशका आठै जिल्लामा अत्याधुनिक रियल टाईम पिसिआर मेशिन जडान गर्ने नीति अनुरुप रौतहटमा समेत पिसीआर परिक्षण सेवा सुरु गरेको छ । आज एक समारोहका बिच सामाजिक विकास मन्त्री नवल किशोर साहले समुदघाटन गरे लगतै सो सेवा संचालनमा आएको हो ।
गौर अस्पताल रौतहतमा जडान भएको उक्त मेशिनको समुदघाटन गर्दै मन्त्रि साहले आवयश्क जनशक्तिका साथै औजार र उपकरणहरु समेत प्रदेश सरकारले व्यवस्था गर्ने बताए । समाहरोहमा भौतिक पूर्वाधार विकास राज्यमन्त्री डिम्पल कुमारी झा, भुमि ब्यबस्था कृषि तथा सहकारी राज्यमन्त्रि योगेन्द्र राय यादव, गौर नगरपालिकाका मेयर अजय गुप्ता, प्रमुख जिल्ला अधिकारि इन्द्रदेव यादव लगायतको उपस्थिति रहेको थियो ।
