एसपी रिपोर्टर
जनकपुरधाम, भदौ ६ : बरबर लिल्ला धनुषा जिल्ला उखान त्यतीकै चर्चित छैन । यहाँ प्रसंगहरु पनि उस्तै देखिने र सुनिने गरेका छन् । पछिल्लो सन्दर्भ हो नगराईन नगरपालिकाको गंगुली स्थित क्षेत्रीय आइशोलेसन सेन्टरको जहाँ कोरोना संक्रमितहरु जम्मा गरिने गरिएको छ । आइशोलेसनमा एक त कुनै उपचार नै छैन । समय समयमा दुर दराजवाटै हालखवर सोधिन्छ । हालखवर बेठिक भएपनि कुनै इलाज हुदैन । जेल जस्तो बस्नु वाहेक ।
तर शनिवार गजवको दृश्य फेसबुकमा छायो । सो आइशोलेसनमा पुगेका पत्रकार राकेशसाहले राखेको सो दृश्य आफैमा सर्वाधिक अर्थ लाग्दो छ । नाम नबताएपनि आफ स्वीपरको जिम्मेवारीमा रहेको बताउने पिपिई लगाएका व्यक्ति थर्मलगन सहित विरामीहरुको उपचारमा आएको धाक लगाए । मोबाईलको क्यामेरा तेर्साउदै पत्रकार साहले तपाई डाक्टर हो र सोध्दा होइन मलाई डाक्टर साहेवले पठाउनु भएको छ उनले जवाफ फर्काए । अनि पत्रकारले समान्य मान्छेको शरिरको तापक्रम कति हुन्छ थाहा छ तपाईलाई ? अर्को प्रश्न गर्दा जिल्ल परेका व्यक्ति आफु स्वीपर रहेको र डाक्टर साहेवको आदेशमा एकजना बृद्व विरामीको तापक्रम नाप्न आएको बताइ रहेका छन् ।
हेर्नोस भिडियो
दृश्य आफैमा अर्थ पुर्ण र हाँसो लाग्दो छ । पत्रकारको प्रश्न पछि पोल खोलिएको सो प्रसंग पछि संक्रमित सवैजना हाँसि रहेका छन् । एसपी खवरले यसबारे बुझन आइशोलेसनका संयोजक सन्तोष ठाकुर आफु सपही स्थित आइशोलेसनमा रहेको र गांगुलीमा डा. दिपु यादवको डयुटी रहेको बताए । स्वीपरको नाम आफुलाई थाहा नरहेको बताउदै उनले आइशोलेसनमा रहेका ललियाका एकजना बृद्वको अवस्था बुझन आफु डाक्टर साहेवलाई अर्हाएर आएको बताए ।
यस्तो अवस्था उपचार हुने भनिएको आइशोलेसनको छ । नर्श र अहेव सम्म त ठिकै छ स्वास्थ्य समाग्री लिएर मेस्तर नै उपचारमा पुगेपछि संक्रमितको हालत के होला ? मानव अधिकारको कुरा बरो जोडतोडका साथ उठाइन्छ तर डराएर घरपरिवारलाई छाडि त्यो जेलमा पुगेकाहरुको पिडा कस्ले बुझने ? उपचार त पर को कुरा संक्रमित विरामीका लागि चाहिने खानपिन समेत पाउन हम्मे छ त्याहाँ । संक्रमित भएपछि एक त समाजमा हेला र आइशोलेसनमा गयो भने नर्कको अनुभुमि अवस्था के होला त्यो त आइशोलेन बस्नेहरुलाई थाहा होला । त्यसैले सरकारले घरमै व्यवस्थित भएर बस्ने सक्नेका लागि होम आइशोलेसन र गरिव विपन्नका लागि उचित व्यवस्था सहितको आइशोलेसन व्यवस्थापन गर्न सक्नु पर्दछ ।
