एसपी रिपोर्टर
जनकपुरधाम, साउन २५ : धनुषाको जनकपुरधाममा दुईजनाको मृत्यु भएको छ । यद्यपि दुवैको जनाको कोरोना परिक्षण हुन वाँकी छ । जनकपुरधामको कदमचौक स्थित विनय तारा फाउन्डेशन अस्पतालमा सुरक्षा गार्डको रुपमा कार्यरत एकजना पुरुषको शकाष्पद मृत्यु भएको हो ।
विहान ७ बजे शौचालय गएपछि स्वाँस प्रस्वाँसमा समस्या भइ फाउन्डेशन अस्पतालमै ल्याउँदा उनको मृत्यु भएको हो । पाँच दिन देखि उनलाई ज्वरो आइरहेको र स्थानिय स्तरमै पसलमा औषधी किनेर खाने गरेको बुझिएको छ । पुरुष मिथिला विहारी वडा नं. ५ ललियाका हुन उनको कोरोना परिक्षण गरिने छ ।
त्यसै गरि काब्या होस्पिटलमा समेत एकजना मुटु र दमका रोगीको मृत्यु भएको छ । धनुषाका प्रमुख जिल्ला अधिकार प्रेम कुमार भट्टराईले उनी मुटु र दमको विरामी रहेकाले कोरोना परिक्षणका लागि स्वाब संकलन गरि शव दाहसंस्कारका लागि परिवारजनलाई बुझाएको बताए ।
