एसपी रिपोर्टर
जनकपुरधाम, साउन २१ : सप्तरीमा शंकाष्पद तिन र पर्सामा कोरोना शंक्रमित दुईजना गरि कुल पाँचजनाको मृत्यु भएको छ । आज एकै दिन चारको मृत्यु भएको छ भने एकजना मृत्कको रिपोर्ट आज पोजेटिभ आएको बताइएको छ । सप्तरीमा रुपनीका ४५ वर्षिय पुरुषको मृत्यु भएको छ । मलेशियावाट आएको उनी गरिव रहेको र दुईवटा कोठामा ९ जना परिवारसंग संगै बस्दै आएको बुझिएको छ । करिव डेढ महिना अगाडि घर फर्केका उनको अचानक मृत्यु भएसंग उनले धेरैलाई भाइरस सारेको हुन सक्ने डर बढेको छ । यद्यपि उनको परिक्षण हुन वाँकी छ ।
अन्य वाँकी दुईजना मृतक वृद्वहरु डाकनेश्वरी र राजगढका हुन । सो गाँउहरुमा भारतको मुम्बईवाट धेरै मानिशहरु आएको र लापरवाही तरिकाले सिधै घरमा बसिरहेकाले समुदायमा सारेको हुन सक्ने आशंका गरिएको छ । उनीहरुमा समेत ज्वरोका साथै स्वास प्रस्वाँसमा समस्या देखिएपछि अस्पताल भर्ना गरिएको र उपचारको क्रममा मृत्यु भएको हो । उनीहरुको पनि कोराना भए÷नभएको परिक्षण हुन वाँकी छ ।
पर्सामा दुईजनाको मृत्यु
पर्सामा कोरोना संक्रमणबाट बुधबार थप दुई जनाको मृत्यु भएको छ । वीरगञ्ज–१५ भिस्वा बस्ने ४६ बर्षका पुरुष र पर्साको पोखरिया नगरपालिका–८ घर भएकी १८ बर्षकी युवतीको मृत्यु भएको हो । योसँगै पर्सामा कोरोना संक्रमणबाट मृत्यु हुनेको संख्या १४ पुगेको छ । १४ मध्ये १२ जना पर्साकै हुन् । एउटा वेवारिसे शवमा पनि कोरोना संक्रमण पुष्टि भएको थियो । त्यसबाहेक बाराका २ जना र रौतहटका १ जनाको पनि वीरगञ्जमै उपचारका क्रममा मृत्यु भएको छ ।
४६ वर्षका पुरुषको वीरगञ्ज हेल्थ केयर अस्थायी कोभिड अस्पतालमा उपचारको क्रममा मृत्यु भएको नारायणी अस्पतालका मेडिकल सुपरिटेन्डेन्ट डा. मदन उपाध्यायले जानकारी दिए । उनी मधुमेह रोगबाट पहिलेदेखि नै ग्रसित थिए । साउन १८ गते पेड पीसीआर गराएका उनको १९ गते राति रिपोर्ट पोजेटिभ आएको थियो । साउन २० गते स्वास्थ्यमा समस्या भएपछि अस्थायी कोभिड अस्पतल वीरगञ्ज हेल्थकेयर कोभिड अस्पतालमा उपचारका लागि राति साढे १० बजे भर्ना गरिएको थियो ।
अस्पतालमा कार्यरत स्वास्थ्यकर्मीका अनुसार उनमा खोकी र ज्वरोको समस्या थियो । अक्सिजन दिँदासमेत उनको शरीरमा अक्सिजन मेन्टेन भईरहेको थिएन । मुटुले काम गर्न छोडेपछि बिहान उनको निधन भयो । वीरगञ्ज हेल्थ केयरमा मृगौलाको डायलायसिस गराउँदै आएका ४ जनालाई आइसीयुमा राखेर उपचार भइरहेको छ ।
अर्का मृतक साउन १९ गते सोमबार मृत्यु भएको युवती हुन । उनमा कोरोना भाइरस संक्रमण पुष्टि भएको छ । पर्साको पोखरिया नगरपालिका–९ मा बस्दै आएकी १८ वर्षीया युवतीको मृत्यु पछि कोरोना संक्रमण पुष्टि भएको हो । उनलाई वान्ता आउनुका साथै झडापखाला लागेको थियो ।
