एसपी रिपोर्टर
जनकपुरधाम, साउन १२ : लकडाउन हटेर जनजिवन समान्य हुनै लाग्दा आइतवार कोरोनावाट धनुषामा एकजनाको मृत्युको खवरले जिल्लामै त्रास उत्पन्न भएको छ । धनुषाको प्रादेशिक अस्पतालबाट थप उपचारका लागि धरान रेफर गर्दा बाटोमै मृत्यु भएका धनुषाको शहिदनगर नगरपालिका वडा नं. ८ डुमरियाका ३८ वर्षिय युवकमा कोरोना संक्रमण पुष्टि भएपछि जिल्लामै पुनः कोरोनाको त्रास उत्पन्न भएको छ ।
जनकपुरधाम प्रादेशिक अस्पतालले जारी गरेको विज्ञप्ती अनुसार मृत्कको रिपोर्ट पोजेटिभ मात्र नभई हाई भाइरल लोड पोजेटिभ रिपोर्ट आएको हो । जनकपुरधाम स्थित ओइशोलेसनका संयोजक डा. जामुन प्रसाद सिंहले जारी गरेको विज्ञप्ती अनुसार मृतक पुरुषमा भाइरसको मात्रा अत्याधिक रहेको बुझिन्छ ।
चलेको किराना पसले थिए मृत्क पुरुष
एसपी खवरे बुझदा मृतक पुरुष डुमरिया बजार स्थित खुवै चल्ने किराना पसलका सञ्चालक हुन । सिमावर्ती भारतको जयनगर तथा नेपाली बजार दुहवी महिनाथपुरवाट सरसमान ल्याएर सहुलियत दरमा बेच्ने गरेकाले उनको किराना पसल त्यसक्षेत्रमा होलसेल जस्तै चलिरहेको छ । चलेको पसल रहेकाले दैनिक सैयौं ग्राहकसंग उनको लेनदेन रहेको खुलिएको छ । उनको श्रीमती, दुई छोरी र एक छोरा छन् ।
ज्वरो र रुघाखोकी लागेर गत शनिवार जनकपुरधामस्थित प्रादेशिक अस्पताल भर्ना भएका उनको स्थिती जटिल बन्दै गएपछि थप उपचारका लागि धरान लैजाने क्रममा सिरहामा आइतबार बाटोमै मृत्यु भएको थियो ।
धनुषाका प्रमुख जिल्ला अधिकारी कोषहरि निरौलाले कोरोना संक्रमितको मृत्यु भएपछि सुरक्षा सतर्कता अपनाउने सम्बन्धी छलफल भइरहेको जानकारी दिए । यद्यपि डुमरिया स्थित मृतकको परिवारजन र स्थानिय क्षेत्रलाई शिल गर्ने कि के गर्ने बारेमा आफुहरुलाई जिल्लावाट कुनै निर्देशन नआएको यद्यपि जिल्लामा छलफल चलिरहेकाले डिएसपी सावलाई सोध्न इलाका प्रहरी कार्यालय यदुकोहाका प्रहरी निरिक्षक दिपक बाबु केसीले आग्रह गरेका छन् ।
