एसपी रिपोर्टर
जनकपुरधाम, जेठ ४ : नेपालमा कोरोना संक्रमित व्यक्तिहरुको संख्या २ सय ९१ पुगेको छ । आइतबार थप १० जनामा कोरोना संक्रमण पुष्टि भएपछि नेपालमा संक्रमितको संख्या २ सय ९१ पुगेको स्वास्थ्य मन्त्रालयले जनाएको छ । संक्रमित सवै रौतहट जिल्लाका हुन । रौतहटको राजपुर नगरपालिका फरहदवा–९ का सातजना क्रमश १८, ३२, ३६, ३९, ३९, ४२, ४८ उमेर भएका पुरुषहरु र सोहि जिल्लाको इशनाथ नगरपलिकाकाको वडा नं. ३ र ५ बस्ने २८, ३० र ३३ वर्षिय पुरुषहरु रहेका छन् । आज विहान ७ ः १५ बजे मन्त्रालयले जारी गरेको विज्ञप्तीमा सो उल्लेख छ ।
एता धनुषामा हिजो संक्रमण पुष्टीभएकाहरु पुरुषहरु चितवनवाट साइकलमा धनुषा आएको बुझिएको छ । चितवनमा ओभरसियर पढिरहेका उनीहरु साइकलमा केहि दिन अगाडि धनुषा आएका थिए र धनुषाको नगराइन नगरपालिकामा रहेको क्वारेन्टाइनमा रहेका थिए ।
