एसपी रिपोर्टर
जनकपुरधाम, बैशाख ६ : जनकपुरधामको महाविरचौक स्थित सडकमा पैसा फालेर त्रास फैलाउने आरोपमा पक्राउ परेकी दुवै महिलाको प्रारम्भिक परिक्षण रयापिड टेष्ट पोजेटिभ आएपछि प्रहरीमा पनि त्रास उत्पनन भएको छ । प्रदेश २ स्वास्थ्य निर्देशनालयका निर्देशक हरिशचन्द्र साहले दुवैको परिक्षण पोजेटिभ देखिएपनि पिसीआर परिक्षण पछि मात्र केहि भन्न सकिने बताए ।
तर प्रहरी स्रोतले भने एकजना महिलाको मात्र पोजेटिभ देखिएको बताइरहेको छ । पक्राउ परेमा मध्ये ३५ वर्षिय अलिना खातुनको रयापिड टेष्ट पोजेटिभ देखिएको प्रहरी स्रोतको जानकारी छ भने केहि चिकित्सकले नाम उल्लेख नगर्ने सर्तमा दुवैमा पोजेटिभ देखिएको बताउछन् । जनकपुरधाम उपमहानगरपालिका वडा नं. ७ वाट पक्राउ परेका उनीहरुलाई जिल्ला प्रहरी कार्यालयमा सोधपुछ पछि जनकपुरधाम प्रादेशिक अस्पतालमा परिक्षण गरिदै छ ।
पक्राउ पर्नेमा धनुषाको धनौजी गाँउपालिका वडा नंं ५ बहुअर्वा बस्ने वर्ष ५० की अमुना खातुन र उनी नन्द जनकपुरधाम वडा नं. ७ बस्ने वर्ष ३५ की अलिना खातुन रहेकी छन् । उनीहरु नन्द र भाउजु हुन ।
