एसपी रिपोर्टर
जनकपुरधाम, चैत २१ : जनकपुरधाममा समेत कोरोना भाइरस कोभिड १९ को परिक्षण सुरु भएको छ । प्रदेश २ का समाजिक विकास मन्त्री नवल किशोर साहले प्रादेशिक अस्पताल जनकपुरधाममा कोरानाको परिक्षणका लागि जडान गरिएको प्रोटेवल मेशिनको समुदघाटन गरेका छन् । प्रदेश २ मा कोरोनाको परिक्षणका लागि जनकपुरधाममा समेत मेशिन उपलब्ध गराइएपछि यस क्षेत्रका विरामीको परिक्षणका लागि सहज हुने भएको छ ।
रियल टाइम पिसीआर मेशिन जडान गर्र्न आएका टोली धुलिखेल अस्पतालका सुरेन्द्र मधुपले यस मेशिनमा एकपटकमा एकमात्र सयाम्पल लोड हुने र रिपोर्ट आउन एक घण्टा समय लिने बताए । मधुपले आफुहरु प्राविधिक टोली सहित मेशिन लिएर जनकपुरधाम आएको र यहाँका प्राविधिकहरुलाई समेत परिक्षणको विधीमा सिकाएर काठमाण्डौं फर्किने बताए । मधुप संगै सम्बन्धित क्षेत्रका जानकार विवेक तिमिल्सना समेत जनकपुरधाम आएका छन् ।
भिडियोमा समाचार
