एसपि रिपोर्टर
काठमाणडौँ , असार १५ : प्रतिनिधिसभामा बोल्ने क्रममा सांसद प्रभु साहले निजामती विधेयक च्यातेका छन् । उनले निजामती विधयेकलाई ‘गरिबमारा’ संज्ञा दिँदै च्यातेका हुन् ।
संविधानमा समानताको कुरा गरे पनि विधेकयले गरिबलाई अगाडि बढ्नबाट रोक्ने र गरी रुवाउने विधेयक भएको उनले बताए ।उनले गरिबको चिरहरण गर्ने विधेयक स्वीकार्न नसक्ने र यस्तो आपराधिक कामको साक्षी आू बस्न नसक्ने बताए । आज विधेयक पारित भयो भने त्यो गरिबका लागि कालो दिन हुने उनले बताए ।बैठक बहिष्कार गर्ने बताउँदै विधेयक च्यातेर उनी संसद्बाट बाहिर निस्केका थिए । उनी आम जनता पार्टी (आजपा) का अध्यक्ष हुन् ।
