एसपी रिपोर्टर
जनकपुरधाम, असोज ८ : राष्ट्रपति रामचन्द्र पौडेल जनकपुरधामको प्रसिद्व जानकी मन्दिरमा विशेष पुजापाठ र दर्शन गरेका छन् । करिव पौने नौ बजे नेपाली सेनाको विमानबाट जनकपुरधाम विमानस्थलमा अवतरण गरेका राष्ट्रपति पौडेललाई त्यहाँ , प्रदेश प्रमुख हरिशंकर मिश्र, मुख्यमन्त्री सरोज कुमार यादव, नेपाली कांग्रेसका नेता विमलेन्द्र निधी, आनन्द प्रसाद ढुङ्गाना, कृष्ण यादव, रामकृष्ण यादवजनकपुरधामका मेयर मनोज साह, मधेश प्रदेशका मन्त्रीहरु सहितका विशिष्ठ व्यक्तित्वहरुले स्वागत गरेका थिए ।
त्यसपछि सहज र सरल तरिकाले जानकी मन्दिर पुगेका राष्ट्रपतिलाई जानकी मन्दिरका सहायक महन्त रामरोशन दासले स्वागत गरे । ९ बजे मन्दिरमा पुगेका उनले विशेष पुजापाठ गर्नुका साथै दर्शन अवलोकन गरेका छन् । धर्मपत्नी सहित पुर्व ईच्छा अनुसार जानकी मन्दिर दर्शनका लागि आएका उनको स्वागतमा अन्य दलका सांसदहरु समेत पनि मन्दिर पुगेका छन् ।
जनकपुरधाममा उनको स्वागतका लागि विभिन्न विद्यालयका विद्यार्थी, शिक्षक र स्थानिय सडक छेउ राष्ट्रिय झन्डा सहित उभिएका थिए । जानकी मन्दिर दर्शन पछि प्रदेश प्रमुख हरिशंकर मिश्रसंगको भेटघाट र खाजाका लागि उनको निवासमा पुगेका राष्ट्रपति पौडेल त्यसपछि नेपाल राष्ट्र बैंकको अतिथि गृहमा पुग्ने र दिवाभोज तथा भेटघाटमा सहभागि हुने छ ।
१ बजे बैंक छेउमै रहेको महेन्द्र नारायण निधि मिथिला सांस्कृति केन्द्रमा पुगेर उनले केन्द्रको समुदघाटन संगै जनकपुरधाम उपहानगरपालिकाको नागरिक अभिनन्दन ग्रहण गर्ने कार्यक्रम रहेको छ । उनी आजै काठमाण्डौं फर्किने कार्यक्रम छ ।
तस्वीरमा हेर्नोस राष्ट्रपतिको जनकपुरधाम भ्रमण
