एसपी रिपोर्टर
जनकपुरधाम, चैत ५ : कर विभागको चेकजाँच आइपुग्ने हल्ला र अफवाहको भरमा जनकपुरधाम सहित यस क्षेत्रको बजारका पसलहरु बन्द भएपछि व्यापारी नेताहरु सक्रिय भएका छन् । बन्द भएका पसलहरु खोलाउन जनकपुरधाम उद्योग बाणिज्य संघका उपाध्यक्ष तथा वरिष्ठ उपाध्यक्षका प्रत्यासी सुरेन्द्र भण्डारी पसल पसल पुगेर व्यवसाय खोल्न आग्रह गरेका छन् ।
एसपी खवरसंग कुराकानी गर्दै भण्डारीले भने, ‘म विहिवार धनुषाको प्रमुख जिल्ला अधिकारीसंग कुराकानी गरे उहाँले त्यस्तो कुनै कारण नरहेको सवै अफवाह मात्र रहेको भन्नुभयो ।’ सिडिओ संगको कुराकानी पछि बजारमा घुमेर उपाध्यक्ष भण्डारीले पसलहरु खोल्न आग्रह गरेका थिए । ‘तपाँइहरु पसल खोल्नोस केहि भयो भने सवै नोक्सानीको जिम्मा मेरो’ भण्डारीले भने, ‘यो अफवाह कहाँबाट आयो हामि बुझदैछौं ।’
व्यापारीहरुलाई नडराउन र निर्वाध रुपले पसल व्यवसाय सुचारु गर्न उनले आग्रह गरेका छन् । एता जनकपुरधाम उद्योग बाणिज्य संघले एक विज्ञप्ती जारी गर्दै हल्लाहरु भ्रामक रहेको बताउदै आ–आफनो पसल व्यवसाय निर्वाध रुपले खोल्न आग्रह गरिएको छ ।
फेसबुकबाट तपाईको प्रतिक्रिया !