एसपी रिपोर्टर
जनकपुरधाम, फागुन १४ : महिला वालवालिका तथा जेष्ठ नागरिक मन्त्री जुली कुमारी महतोले आज एकै दिन धनुषामा पाँच पुलहरुको शिलान्यास गरेकी छन् । एक सप्ताह अगाडि मात्र विभिन्न क्षेत्रको कुल दश वटा पुल शिलान्यास गरेकी उनले आज एक दिनमै मात्र ५ पुलको शिलान्यास गर्न भ्याएकी छन् ।
मन्त्री महतोले आज धनुषाको जनकपुरधाम उपमहानगरपालिकाको वडा नं. २३ बिन्ही–बसहिया जोडने नदिको पुल, बहुअर्बा कब्रिस्तान धनौजी सडक जोडने पुल, जनकपुरधाम उपमहानगरपालिकाको वडा नं. २५ लोहना–धनौजी जोडने पुलको शिलान्यास गरेकी छन् । साथै जनकपुरधाम उपमहागनरपालिकाको वडा नं. १ र वडा नं. १६ जोडने रेल्वे पुल स्थित जलाद नदिको पुल र जनकपुरधाम उपमहानगरपालिका वडा नं. १३ पिडारी र वडा नं. २१ कुर्था जोडने दुधमती पुलको पनि शिलान्यास गरेकी छन् ।
नेकपाका नेता रघुविर महासेठ भौतीक पुर्वाधार विकास मन्त्री हुँदा छनौट भएको योजनाहरुमा परेको यस पुलहरुको शिलान्यासले स्थानिय खुसी भएका छन् ।
