एसपी रिपोर्टर
जनकपुरधाम, पुष २९ : सोमवार जसपा नेपालको जनप्रदर्शन तथा विरोधसभामा पृथक दृश्य देखियो । जसपाकै नेता तथा जनकपुरधाम उपमहानगरपालिकाका प्रमुख लालकिशोर साह मञ्चमा नबसेर जनता संगै सहभागिको भिडमा बसेको देख्दा सवैले अनेकन टिप्पनी गरिरहेका थिए । सहभागिहरु सवैले नेताहरुलाई चुनाव लाग्न थालेको टिका टिप्पनी गरिरहेका थिए ।
मेयर साह आफुखुसी चलेको र पार्टीको समेत नेता कार्यक्रतालाई समेटन नसकेको गुनासो पार्टी भित्रै चलिरहेको वेला मेयर साह जनता माझ होमिएको संकेत गरेका छन् । जनकपुरधाम वडा नं. १५ र २० को ब्यानरमा उपमहानगरपालिकाको कार्यालयबाट जुलुशसंगै प्रदर्शन गर्दै रेल्वे स्टेशन पुगेका मेयर साह चर्को नारावाजी गर्नुका साथै आक्रमक पृथक शैलीमा कार्यक्रतासंगै प्रदर्शनमा सहभागि भएको तस्वीर समाजिक सञ्जालमा छाएको छ ।
यस्तो छ भित्री कुरा
गत शनिवार जनकपुरधाम उद्योग बाणिज्य संघको ५४ औं सधारणसभामा पार्टीका वरिष्ठ नेता तथा जनकपुरधाम क्षेत्रका प्रतिनिधीसभा सांसद राजेन्द्र महतो जनतालाई उदृत गर्दै मेयर साह प्रति असन्तुष्टी व्यक्त गरेका थिए । दुईवटा बारुण यन्त्र हुँदा पनि आगोलागेका बेला बिग्रेको रहनु, फोहर व्यवस्थापन गर्न नसकेको र जनतासंग राम्रो व्यवहार नभएको गुनासो सुन्नमा आएको महतोले जनतालाई नै उदृत गर्दै बताएका थिए ।
महतोले स्वयम आफु पनि मेयर साहसंग कुनै पनि कार्यक्रममा करिव छ महिना पछि त्यसरी एउटै मञ्चमा भेटेको समेत टिप्पनी गरेका थिए । जस्ले उनीहरु बिच पनि केहि दुरी नै रहेको संकेत गरिरहेको थियो । महतोले त्यसो बोलिरहँदा मेयर साहको एक्सप्रेशन परिवर्तण भएको थियो । महतोको त्यस टिप्पनी पछि साह आक्रोसित भएको बताइन्छ । त्यसैको परिणाम स्वरुप साह सोमवार मञ्चमा नबसेर कार्यक्रता माझ बसेको बताइन्छ । मेयर साह प्रतिनिधीसभाको निर्वाचनमा जसपा जिताउन अहम भुमिका खेल्ने नेताहरु राजिव झा, राजु चौधरी र मनोज चौधरीलाई समेत संगै राखेर बसेका थिए ।
आफु अझै पनि जनतामा नै रहेको र जनसम्पर्क र पहुँच तथा पकडमा कुनै पनि परिर्वतन नरहेको देखाउन मेयर साह कडा प्रदर्शन सहित कार्यक्रताकै भिडमा बस्ने निर्णयमा पुगेको हुन सक्ने पार्टीका नेताहरु बताउछन् । मञ्चमा मुख्य अतिथिका रुपमा महतो बसेका थिए उनको सफल निर्वाचनमा अहम भुमिका निर्वाह गरेका साह सहभागिको भिडमा बसेको दृश्य पृथक थियो ।
यो पनि तर्क
तर कतिपयको विश्लेषण भने फरक छ । सोमवारको विरोधसभामा धनुषा र महोतरीका पार्टीबाट निर्वाचित आधिकांश स्थानिय तहको मेयर र उपमेयरहरुको उपस्थिती रहेको र मञ्चमा मेयर साह पछाडि बस्नु पर्ने प्रोटोकोलमा परेकाले उनी मञ्च भन्दा सहभागिको भिड मन पराएका हुन ।
मञ्चमा केन्द्रिय नेताहरुको लस्कार रहेकाले मेयर साहको आसन ग्रहन हुँदा सम्म मञ्चको अगाडिको अतिथिको पंक्तीमा ठाँउ नभए पछि मेयर साह पछाडी बस्नु भन्दा सहभागिमा बस्ने निर्णय गरेका हुन । यसलाई उनको सहि राजनितिक निर्णयको रुपमा लिने पनि धेरै छन् । यि सारा प्रसंगहरुलाई अगामि निर्वाचन संग जोडेर समेत टिका टिप्पनी भइरहेको छ ।
एता सोहि दिन सांसद महतोलाई कालो झन्डा देखाउने प्रयास भएकाले कालो झन्डा देखाउने मात्र दुईजना व्यक्ति आफैले दृेखाएको वा कसैको योजनामा त्यसो गरिएको भन्ने कुराको छिनाफानो महतो निकट स्रोतले गरिरहेको समेत बताइन्छ ।
फेसबुकबाट तपाईको प्रतिक्रिया !