एसपी रिपोर्टर
जनकपुरधाम, पुष २९ : लायन्स क्लव अफ अन्तराष्ट्रियका संस्थापक मेल्विन जोन्सको १४२ औं जन्म जयन्ती जनकपुरधाम स्थित विभिन्न लायन्स क्लवहरुले परोपकारी काम गरि मनाएको छ । सो अवसरमा क्लवहरुले जनकपुरधाम प्रादेशिक अस्पतालमा पुगेर विरामीहरुलाई फलफुल वितरण गरेको हो ।
जन्म जयन्तीको अवसरमा लायन्स क्लव अफ जनकपुर, लायन्स क्लव अफ जानकी र लायन्स क्लव आस्थाको संयुक्त आयोजनामा एक सय ६० जना बिरामीहरुलाई फलफुल सामाग्री वितरण गरिएको छ । लायन्स क्लव जनकपुरधामका अध्यक्ष श्रृषिकेश साहको अध्यक्षतामा अस्पतालका बिरामीहरुलाइ फलफुल बितरण गरिएको हो ।
सोहि अवसरमा प्रत्येक वर्ष झै गत वर्ष पनि जनजाति कल्याण आश्रम आमाको माया छात्रावासका विद्यार्थीहरुलाई एक महिना सम्म अध्यनका लागि पुग्ने कपि, कलम, फलफूल तथा खाद्यान्न समाग्री समेत वितरण गरिएको छ ।
लायन्स क्लव अफ जनकपुरधाम राजधानीले समेत मनायो
सोहि अवसरमा लायन्स क्लव अफ जनकपुरधाम राजधानीले समेत विभिन्न परोपकारको काम गरेको छ । अध्यक्ष शुनिल साहको अध्यक्षतामा क्लवका वर्तमान तथा पुर्व पदाधिकारीहरुको उपस्थितीमा श्री जानकी आँखा अस्पतालमा पानी तातो गर्ने वाटर डिस्पेन्शर र श्री जानकी बृद्वाश्रममा डिशहोमको सेट वितरण गरिएको छ ।
अध्यक्ष साहले चिसो मौसममा अस्पतालमा तातो पानीले राहत हुने र वृद्वाश्रममा वृद्वाआमाहरुलाई मन बहलाउन डिशहोम प्रदान गरिएको बताए ।
फेसबुकबाट तपाईको प्रतिक्रिया !