एसपी रिपोर्टर
जनकपुरधाम, पुष २७ : जनता समाजवादी पार्टीका वरिष्ठ नेता राजेन्द्र महतोले कटहरको रुखमा आँप फल्छ कि भन्ने सपना नदेख्न सवैमा आग्रह गरेका छन् । पार्टीको धनुषा तथा महोतरी जिल्ला समितिले जनकपुरधाममा आयोजना गरेको विशाल जनप्रर्दशन तथा विरोधसभालाई सम्बोधन गर्दै नेता महतोले ओलीलाई जिम्मेवारी सुम्पिनुनै भुल भएको बताए ।
नेता महतोले भने, ‘कटहरको विरुवा रोप्ने अनि आँप फल्छ कि भन्ने सपना देखेर हुन्छ ?’ संघिय लोकतान्त्रिक गणतन्त्रात्मक संविधान बचाउने जिम्मा ओली जस्तालाई दिएपछि यस्तै हुन्छ उनको तर्क थियो । नेपाली जनता र देशका नेता ओली रोप्दा ओली जस्तै फल फलेको उनको तर्क छ ।
जसपाका अर्का नेता सरत सिंह भण्डारीले जसपा कहिल्यै पनि मधेशको एजेन्डा नछोडने बताए । उनले विरोध केपि ओलीको नभएर ओली प्रवृतीको रहेको समेत स्पष्ट पारेका छन् । ओलीको कदमलाई नसच्चाइए भोली गएर दर्जनौं ओली प्रवृतीको जन्म हुने र जनमतको कुनै कदर नभई व्यक्तिवाद हावी हुने उनको तर्क छ ।
जसपा नेतृ रेणु यादवले काठमाण्डौं गएर दोधी कुर्ता जुलुश लगाएकाहरु मधेशी नभएको टिप्पनी गरिन । उनले भनिन, ‘धोती कुर्ता र गम्छा लाउदैमा मधेशी हुने होइन, सच्चा मधेशी त उनी हुन जस्ले धोती, कुर्ता, गम्छा लगाएर हातमा कम्तीका एक लठ्ठी पनि बोकेका हुन्छन् ।’ कसैको ईशारामा बिना चप्पल काठमाण्डौं गएर प्रयोग भई मधेशको शान कमजोर नर्गन उनले आग्रह गरेका छन् । लोभ र लालचले मधेशको कल्याण नहुने समेत उनले बताईन ।
कार्यक्रममा नेता ब्रिशेषचन्द्र लाल, जितेन्द्र सोनल, उमाकान्त झा, सहितकाले सम्बोधन गरेका थिए । जसपाका समर्थकहरुले रेल्वे स्टेशनको प्राङ्गण भरिभराउ थियो । त्यस अगाडि धनुषा तथा महोतरीको विभिन्न भागबाट प्रदर्शन गर्दै समर्थकहरु रेल्वे स्टेशन पुगेका थिए ।
