लोकतन्त्रलाई बचाउने मुख्य अभ्यासनै निर्वाचन हो : निधि

147
Shares

एसपी रिपोर्टर
जनकपुरधाम, पुष २६ : नेपाली कांग्रेसका उपसभापति बिमलेन्द्र निधिले लोकतन्त्रमा निर्वाचनको अहम भुमिका रहेको बताएका छन् । आईतवार जनकपुरधाममा शहिद सत्यनारायण पाठकको शालिक अनावरण गर्दै पुर्व उपप्रधान तथा गृहमन्त्री समेत रहेका निधिले देशमा लोकतन्त्र बचाएर राख्ने मुख्य अस्त्र भनेकै चुनाव रहेपनि चुनावको पनि विधि सहि हुनुपर्ने बताए ।

निधिले भने, ‘नेपालमा चुनाव भएर लोकतान्त्रिक प्रक्रियाबाट संसदको गठन हुनु र संसदले सरकार बनाउनु लोकतन्त्रको उपहार रहेको हो ।’ उनले देशमा अब राजा फर्किने कुरा दिवास्वप्न मात्र रहेको बताए । हुन त हामी राजाको सुशासन रहेको मिथिलावासी नै हौं उनले भने, ‘तर अव नेपालमा भने राजा फर्किने सम्भावन अलिकती पनि छैन, राजर्षि राजा जनक र नेपालको राजामा धेरै फरक छ ।’

देशमा भएको उपलब्धीहरु विरुद्व लाग्नेहरु आफै सखाप भएर जाने उनको भनाई छ । कोरोना महामारी सुरु भएको लगभग १० महिनापछि उपसभापति निधि गृहनगर जनकपुरधाम आएका हुन । उनलाई महोत्तरीको बर्दिवासमा कांग्रेस नेता तथा कार्यकर्ताहरूले स्वागत गर्न पुगेका थिए । शालिक अनावरण गरिएको शहिद पाठकलाई २०४५ पुस २६ गते तात्कालीन पञ्चायती प्रशासनले गोली हानेर हत्या गरेका थिए ।