एसपी रिपोर्टर
जनकपुरधाम, पुष २१ : संघिय सरकारका उपप्रधानमन्त्री तथा नेकपाका सचिवालय सदस्य ईश्वर पोखरेलले सहि बाटो नहिडेकाले सवै भन्दा ठुलो घाटा प्रचण्डलाई नै हुने बताएका छन् । एसपी खवर एचडी संगको विशेष कुराकानीमा ओली समुहका प्रखर नेता समेत रहेका पोखरेलले भने, ‘मैले दुई घण्टा सम्म कुराकानी गरे, उहाँ बोल्न सिपालु तर बोल्ने केहि गर्ने केहि हेर्नुहोला सवै भन्दा बढि नोक्सान उहाँलाई नै हुन्छ ।’
निर्धारित बैशाखमा चुनाव सम्भव हुन नसकेपनि छ महिना भित्र चुनाव गर्नै पर्ने प्रावधान रहेकाले चुनावको तयारीमा सवै दल जुटिसकेको उनले बताए । ‘दलहरुलाई चुनाव लागि सकेको छ, उनले भने, ‘त्यो विरोध होइन चुनावी तयारी हो, दल, नेता र प्रशासन र आयोग समेत चुनावमा गइसकेका छन् ।’
गणतन्त्र र संघियतामा आँच ल्याउने ताकत कसैसंग नरहेको समेत उनले बताएका छन् । जुन त्याग र बलिदानले उपलब्धीहरु हसिल भएको छ त्यसलाई सजिलै मास्न सक्ने ताकत कसैसंग नरहेको उनको भनाई छ । लोभ र लालचकै कारण पार्टीमा बिबाद उत्पन्न भई अहिले सम्मको परिस्थिती आएको उनको विश्लेषण छ ।
भिडियोमा प्रस्तुत छ, एसपी खवरका लागि पुरन रौनियारसंग पोखरेलले गरेको विशेष कुराकानी