एसपी रिपोर्टर
सिरहा, मसिंर १४ : कमला बचाउ अभियानको दोस्रो बार्षिकोत्सव सिरहामा सफलता पुर्वक सम्पन्न भएके छ । पहिलो वार्षिकोत्सव गत वर्ष धनुषाको रामघाटमा मनाइएको थियो भने दोस्रो वार्षिकोत्सव सिरहाको सारसर घाटमा मनाइएको छ । सिरहा नगरपालिकाद्वारा आयोजित कमला बचाउ अभियानको दोस्रो बार्षिकोत्सव समारोहमा प्रदेश २ का आन्तिरक मामिला तथा कानुन मन्त्री ज्ञानेन्द्र कुमार यादवले कमला बचाउन सकिए प्रदेश २ र खास गरि सिन्धुली देखि धनुषा, सिरहा सहित सवै क्षेत्रको कृषि र सिचाँईमा आमुल परिवर्तण हुने बताएका छन् ।
कार्यक्रममा बोल्दै शहिद नगरपालिका धनुषाका मेयर एवं कमला बचाउ अभियानी उदय कुमार बरबरियाले कमला बचाउ अभियानको दोश्रो बार्षिकोत्सव सफलता पुर्वक सम्पन्न भएकोमा हार्दिक बधाई दिदै कमला बचाउ अभियानको डिपिआर तयार गरिने बताएका छन । अव एउटा ठोस योजना बनाएर आगाडी बढनु जरुरी रहेको बताउदै उनले सम्पुर्ण कमला अभियानीले कम्तीमा एउटा बोटबिरुवा रोप्नु र यसलाई संरक्षण गर्नु पर्ने बताए ।
कमला अभियानी नामको लागी मात्र बन्न नहुने भन्दै उनले व्यवहारमा पनि देखाउन आग्रह गरे । आउने दिनमा एउटा मास्टर प्लान तयार गरि अगाडि बढनु पर्ने उनले जिकिर गरे । हरेक पालिका प्रमुखले कमला बचाउ अभियानलाई नगरको मुख्य योजनामा राखे मात्र यो राष्ट्रिय अभियानको रुपमा चिनाउन सफल हुने उनले बताए । यस अभियानलाई चुरे देखि कमला छेउमा रहको छिमेकी देश भारतको जयनगर सम्म अभियानको रुपमा विस्तार गरिने उनले उद्घोष गरे ।
सिरहा नगरपालिकाका मेयर अशेश्वर प्रसाद यादवको अध्यक्षतामा भएको कार्यक्रममा सिरहाका प्रमुख जिल्ला अधिकरी प्रदिप राज कणेल, कमला नगरपालिकाका मेयर रामउदघार गोईत, प्रहरी निरीक्षक उमा पजियार, कमला बचाउ अभियानका संयोजक बिक्रम यादव, मानव विकास केन्द्रका अध्यक्ष कुन्दन झा, क्लोथ बैंक धनुषाका अध्यक्ष राजिब झा सहितकाले शुभकामना मन्तब्य राख्दै कमला बचाउ अभियानको चर्चा र महत्व दर्शाएका थिए ।
कमला बचाउन चुरिया बचाउ अभियान समेत अपरिहार्य रहेको वक्ताहरुको भनाई थियो । कमला भेगमा रहेको कमला बाँधलाई कालोपत्रे गराउने पहल आगाडी बढ्ेको समेत बताइएको छ । कमला बचाउ अभियान राष्ट्रिय अभियान मात्र नभएर अन्तर्राष्ट्रिय अभियानको रुपमा चिनिएको मेयर बरबरियाको भनाई थियो । अभियानको सुरुवात तिनचार जनावाट मात्र भएको भन्दै अभियानका संयोजक बिक्रम यादवले दोस्रो वार्षिकोत्सव सम्म आइपुग्दा खुसी लागेको बताए ।
कार्यक्रममा सम्पुर्ण अभियानीहरुलाई कदर पत्र र मायाको चिनो प्रदान गरिएको थियो । कार्यक्रममा सामुदायिक विकास तथा पैरवी मञ्चका संयोजक नागदेव यादव, कमला बचाउ अभियानका सचिव बिनोद महरा, सहकारीका अध्यक्ष ध्रुव नारायण यादव, कमला अभियानी सुरेन्द्र यादव, कमला अभियानी राजकिशोर सल्हैता, पत्रकार नरेशचन्द्र बरबरिया, रुनुकेश कामती लगायत हजारौं संख्यामा धनुषा तथा सिरहा क्षेत्रको नागरिकको उपस्थिति रहेको थियो भने कार्यक्रमको उद्घोषण सुरेश चोरवारले गरेका थिए ।
फेसबुकबाट तपाईको प्रतिक्रिया !