भौतीक पुर्वाधारका सिडिई मिश्रको बिदाई, मन्त्री र सचिवले दिए धन्यवाद

एसपी रिपोर्टर
जनकपुरधाम, मसिंर १४ : प्रदेश २ का भौतीक पुर्वाधार विकास मन्त्रालयका सिडिई श्याम सुन्दर मिश्रको बिदाई गरिएको छ । उमेर हदका कारण सेवानिवृत भएका मिश्रको मन्त्रालयका मन्त्री सचिव सहितकाले सम्मान गर्दै बिदाई गरेका छन् । सरकारी जागरिमा ५८ वर्ष पुरा गरेका मिश्र आजकै दिन देखि सेवा निवृत भएका छन् ।

बिदाई तथा सम्मान कार्यक्रममा मन्त्री जितेन्द्र सोनलले सिडिई मिश्रको प्रशंसा गर्दै उनकै लगनशिलताले आर्थिक वर्ष २०७५÷०७६ को उपभोक्ता समितिको बाँकी बक्यौता रकम निकाशा हुन सकेको भन्दै मन्त्री सोनल उनको कार्य सम्पादनको प्रशंसा गरेका हुन । सो रकम प्रदेश सरकारकै लागि क्रोनिक समस्या बनेको र प्रदेश सरकारलाई सोहि आधारमा बदनाम गर्ने काम समेत भइरहेका बेला आफुले दिएको दोहोरो जिम्मेवारी मिश्रले इमान्दारिता पुर्वक निर्वाह गरेको भन्दै मन्त्री सोनलले उनलाई धन्यवाद सहित बिदाई गरेका छन् ।

कार्यक्रममा उपस्थित मन्त्रालयका सचिव राम आधार साहले समेत सिडिई मिश्रको अनुभव र कौशलता कुशल रहेको बताए । सिडिई मिश्रले मन्त्री सोनलको साहसिक कदम र कौशलताले नै सो कार्य सफल भएको भन्दै मन्त्री सोनलसंग काम गर्दा अभिभावकत्व महशुस भएको बताए । उनले कुल ४ सय ५६ मध्ये ३ सय ९५ उपभोक्ता समितिको निकासा भइसकेको, १० को फाइल अख्तियारमा रहेको र केहिको प्राविधिक त्रुटीहरु रहेकाले छिट्टै त्यो पनि निकासा हुने बताए ।

कुल ८६ प्रतिशत निकासा भइसकेको उनले बताए । सेवा निवृत भएका मिश्र आफनो जिवनको २६ वर्ष ११ महिना २२ दिन सरकारी सेवामा विताएका छन् । कार्यक्रममा मन्त्रालय र शाखाका कर्मचारीहरु सहितको उपस्थिती थियो ।