एसपी रिपोर्टर
सप्तरी, मसिंर १३ : प्रदेश २ का समाजिक विकास मन्त्री नवल किशोर साहले मधेश आन्दोलनमा शहादत प्राप्त गरेका शहिदकी धर्मपत्नीलाई सरकारी सेवाका लागि नियक्ती पत्र प्रदान गरेका छन् । २०७२।०६।१९ मा मधेश जनविद्रोहमा शहादत प्राप्त गरेका हनुमाननगर कंकालिनी नगरपालिका वडा नं. ३ बस्ने शहिद बालकृष्ण रायकी धर्मपत्नी पुष्पादेवी अमातलाई वडा नं. १ भारदह स्थित भारदह अस्पतालमा जागिरे सेवाका लागि नियूक्ति प्रदान गरिएको छ ।
मन्त्री साहले मधेश सरकारले शहिदको सम्मान र शहिद परिवारको रेखदेखका लागि सक्दो प्रयास गरिरहेको र सोहि अनुरुप शहिदका परिवारजनलाई कामको व्यवस्थापन गरिने क्रम जारी रहेको बताए । साथै मन्त्री साहले सप्तरीको हनुमाननगर कंकालिनी नपा–४ मधवापुरमा आयोजित अजय समृति कप क्रिक्रेट टुर्नामेन्टका विजेतालाई शनिवार नगद पुरस्कार प्रदान समेत गरेका छन् । टुर्नामेन्टको समापन समारोहमा आज मन्त्री साहले विजेता टिमहरुलाई पुरस्कार वितरण गरेका हुन ।
मधवापुरको खेल मैदानमा तपेश्वर यूवा क्रिक्रेट टिम द्वारा आयोजित अजय कप–३ गत कार्तिक २४ गते देखि सञ्चालन गरिएकोमा आयोजक टिम टिवाईसिटि मधवापुर र वारियर्स विराटनगर बिचको निणार्यक प्रतिस्पर्धामा वारियर्स विराटनगर विजयी भएका थिए । टस जितेर ब्याटिङ्ग गरेको मधवापुरले १७ ओभरमा अलआउट हुदै १०८ रन बनाएको थियो प्रति उतरमा ब्याटिङ्ग गर्न मैदान उत्रेका विराटनगरले १४ ओभरमा ६ विकेट गुमाएर लक्ष्य पुरा गरि विजेता बनेको थियो ।
फेसबुकबाट तपाईको प्रतिक्रिया !