संजय साह
जनकपुरधाम, असोज २१ : गत सोमवारको वैठकले जनकपुरधाम उपमहानगरपालिकाले आफनो स्वामित्वका सम्पुर्ण निजि तथा सामुदायिक विद्यालयमा कक्षा ६ देखि १२ सम्मको अध्यापनका लागि अनुमती दिएपछि विद्यालयहरु पठनपाठन सुरु गरेका छन् । कतिपय विद्यालयले कक्षा ११ र १२ तथा कतिपयले भने कक्षा ८ देखि माथील्लो कक्षाका विद्यार्थीहरुलाई पढाउन थालेका छन भने कतिपय तयारीमा रहेको छ ।
जनकपुरधाम उपमहानगरपालिका वडा नं. ९ स्थित जानकी मावि कक्षा ४ की छात्रा पुजा कुमारी राउतलाई कोरोनाको एकदमै डर छ तरपनि चाइना फाउन्डेशनद्वारा ब्याग वितरण हुने सुनेपछि उनी विद्यालय पोशाकमै पढन आएकी छन् । उनलाई कारोनाको संक्रमण र बच्ने तरिका पनि थाहा छ । जनकपुरधाम उपमहानगरपालिकाले कक्षा ६ देखि १२ सम्म एक पटकमा २५ जना विद्यार्थीलाई मात्र कक्षाकोठामा राखेर सहितका मापदण्ड अपनाएर विद्यालय सञ्चालनको अनुमती दिएपछि विद्यालयहरु धमाधम अध्यापन थालेका छन् भने कतिपय तयारीमा छन ।
अधिकतम २५ जना मात्र विद्यार्थी, मास्क, सेनिटाइजर र समाजिक दुरी सहितको मापदण्ड अपनाउने क्षमता भने अधिकांश विद्यालयको देखिदैन । प्यावसन धनुषाका अध्यक्ष डिएन पाण्डे र मधेश प्यावसन धनुषाका अध्यक्ष सुजित कुमार मिश्रका अनुसार संघिय सरकारको निर्देशिका अनुसार नै विद्यालय सञ्चालन भएको भन्दै शंका र उपशंकाको भरमा नपर्न अभिभावकलाई आग्रह गरेका छन् ।
यहाँ स्थित सुविधा सम्पन्न मोनाष्टिक सहितका विद्यालयहरु भने कक्षा १० सम्म तत्काल अनलाइन नै तथा कक्षा ११ र १२ को भने पठन पाठन मापदण्ड अपनाएर सुुरु गरेको छ । तत्कालै बच्चाहरुलाई बोलाएर जोखिम उठाउन नसक्ने भन्दै विस्तारै निर्णयहरु लिने भनाई सञ्चालक डा. सोनु साहको छ । कतिपय विद्यालयले भने अभिभावकलाई धमाधम वाँकी रकम तिर्न भन्दै कक्षा ६ देखि १२ सम्मको पठन पाठन धमाधम सुरु गरेको देखिन्छ ।
नेपाल सरकार शिक्षा, विज्ञान तथा प्रविधी मन्त्रालयको गत भदौ १९ गतेको मन्त्री स्तरिय शिक्षा निर्देशिकालाई टेक्दै सोहि निर्देशिका अनुसारको मापदण्ड अवलम्बन गर्दै कक्षा ६ देखि १२ सम्मको पठन पाठनका लागि अनुमती दिइएको उपमहानगरपालिका शिक्षा शाखाकी प्रमुख अन्जु पाण्डले बताइन । जनकपुरधाम उपमहानगर भित्र कुल ४९ सामुदायिक तथा करिव १ सय १५ निजि विद्यालयहरु छन् । उता उपमहानगरपालिकाको हल्ला संगै ग्रामिन भेगका सामुदायिक विद्यालयहरु खुृल्न नसकेपनि निजी विद्यालयहरु दशै अगाडि शुल्क उठाउन सकिने योजना तहत समेत धमाधम विद्यालय सञ्चालन गर्न थालेका छन् ।
