पुष्पा यादव
जनकपुरधाम, असोज १८ : नेपाल रेल्वेमा कर्मचारी भर्ना गर्दा स्थानियलाई विशेष प्राथमिकता दिनुपर्ने मांग उठन थालेको छ । जनकपुरधामका युवाहरु नेपाल रेल्वेको कार्यालय जनकपुरधाममा पुगेर महाप्रबन्धक सहितका कर्मचारीहरुको खोजविन गरि कर्मचारी भर्ना सम्बन्धमा जिज्ञासा राखेका छन् । जनमत चिकित्सक संघका केन्द्रिय प्रवक्ता डा.विनय पजियारको नेतृत्वमा पुगेका युवाहरुले रेल्वेका सम्पुर्ण काम जनकपुरधाम स्थित केन्द्रिय कार्यालयमा बसेर गर्न÷गराउन मांग समेत गरेका छन् ।
डा. पजियार भन्छन, ‘रेल्वेका महाप्रबन्ध नियुक्त भएका गुरु भट्टराई फेसबुकवाटै रेल्वे चलाई रहेका छन, जनकपुरधामको अस्मिता संग जोडिएको रेल्वेमा काठमाण्डौंको एकलौटी बर्दास्त हुन सक्दैन ।’ कर्मचारी भर्ना गर्दा मधेश र खास गरि जनकपुरधाम क्षेत्रकैलाई प्राथमिकता दिनुपर्ने, कार्यालयमा बसेर भर्ना सहितका कारवाही कर्मचारीले गर्न/गराउनु पर्ने, नेपालमै पहिलो पटक सपना जस्तो रेल आएको भ्रम र्छन बन्द गर्नुपर्ने सहितका मांग युवाहरुको छ ।
हेर्नोस भिडियो
जनकपुरधाम स्थित सुनसान रहेको रेल्वेको केन्द्रिय कार्यालयकै एक कर्मचारीका अनुसार महाप्रबन्धक भट्टराई सहित नियुक्त भएका कुनै पनि हाकिम कार्यालयमा मुख देखाउन पनि आउदैनन । रेल्वेको कामहरु महोतरीको बर्दिवास देखि काठमाण्डौं सम्मवाटै हुने गरेको आशंका उनीहरुको छ । एक समय जनकपुर रेल्वेवाट प्रख्यात रेल्वे नेपाल रेल्वे भएसंगै अव रेल्वेमा जनकपुरधामवासीको पहुँच दुरको कुरा हुने जानकारहरु बताउछन् । रेल्वेलाई कार्यक्रताको भर्ती केन्द्र बनाएर सिमित परिवारका लागि मात्र उपयोगी बनाउने काम भइरहेको युवाहरुको भनाई छ । युवाहरुका अनुसार कर्मचारी भर्नामा पनि जनकपुरधाम भन्दा पहाडका मान्छेहरु र आफना कार्यक्रताहरु मात्र भर्ना गर्ने तयारी छ ।
