एसपी रिपोर्टर
जनकपुरधाम, असोज १० : बिना जानकारी संघिय सरकारले अनावयश्क रुपमा गरिरहेको सचिव सरुवाको विरोध गरिरहेका प्रदेश २ का कृषि मन्त्री शैलेन्द्र प्रसाद साहले संघिय सरकारका कृषि मन्त्री घनश्याम भुसाललाई स्वागत गर्दै प्रदेश २ को किशानको मुख्य उत्पादन धानलाई कसरी व्यवस्थापन गर्ने विषयमा छलफल गरेका छन् । प्रदेश २ का किशानहरुको मुख्य उत्पादन र एक वर्ष जिवनयापनमा धानको महत्वपुर्ण भुमिका रहेको भन्दै धानको उत्पादन, भण्डारण, उचित भाउ र बजारको व्यवस्थापन गर्न सके एकदमै राहत हुने भन्दै प्रदेश २ सरकारले संघिय मन्त्री संग सहयोग मांग गरेको छ ।
प्रतिउतरमा संघिय मन्त्री भुषालले ति सम्पुर्ण विषयमा ठोस कार्ययोजना ल्याउन प्रदेश २ सरकारसंग आग्रह गरेको छ । प्रदेश २ का मन्त्री साहले प्रदेश २ को किसानहरुको धान व्यवस्थापनका लागि स्थानिय र जिल्ला तहमै धान भण्डारण सहितका योजनाहरु समेटेर कार्ययोजना बनाउने तयारी भएको बताए । संघिय मन्त्रीले सहयोगको प्रतिवद्वता जनाएको बताउदै उनले प्रदेश २ सरकार उत्कृष्ट कार्ययोजना बनाउन लागि परेको समेत उनले बताए । सरकारले यस वर्ष धानको न्युनतम सपोर्टिङ्ग मुल्य समेत निर्धारण गरिसकेको उनले बताए । मोटो धानको प्रति क्वीन्टल २७ सय ३५ र मसिनो धानको प्रति क्वीन्टल २८ सय ८५ रुपैया तय गरेको मन्त्री साहले बताए । गत आर्थिक वर्षमा सरकारले मोटो धानको मुल्य प्रति क्वीन्टल रु २६ सय ७३ रुयैया १६ पैसा तय गरेको थियो ।
किशानसंग धान किन्ने, भण्डारण गर्ने, भण्डार गर्दा आउने ह्रासमेन्ट र धान बेच्ने सहितका सवै कार्ययोजनाहरु अर्थविज्ञहरुको सुझावका आधारमा बनिरहेको उनको कथन छ । संघिय मन्त्री भुषालले धान भण्डारका लागि संघिय सरकारसंग एक अर्व रुपैया रहेको बताउदै भण्डारण कहाँ कसरी गर्ने भन्ने कार्ययोजना ल्याउन आग्रह गरेको समेत मन्त्री साहले बताए । संघिय सरकार सो रकम प्रदेश २ कै लागि प्राथमिकतामा राखेको संघिय मन्त्रीलाई उदृत गर्दै मन्त्री साहले बताए ।
मैले अवरोध गरेको नभई गलत प्रवृती अन्तयको मांग पहिला देखिनै गर्दै आएको छु : मन्त्री साह
प्रदेश मन्त्री साहले मन्त्रालयमा आएको नयाँ सचिव डा. सम्झना कुमारी काफलेलाई आफुले कुनै अवरोध नगरेको समेत बताए । एसपी खवरसंगको कुराकानीमा मन्त्री साहले आफु बिना जानकारी जुनसुकै वेला अनावयश्क रुपमा सचिव सरुवा गरेर काम गर्न अवरोध हुने गरेको प्रवृतीको विरोध दुई महिना अगाडि देखि नै गरिरहेको र संघिय सरकारसंग समेत गुनासो गरेको स्मरण गराए । व्यक्ति होइन प्रवृतीको विरोध गरेको हुँ, उनले भने, ‘यसरी नै मुख ताकेर बसि रहने हो भने कोहि आएपनि काम गर्न सकिदैन ।’ प्रक्रिया र प्रवृती सुध्रिए मात्र काम गर्न सकिने र कोहि आएपनि सजिलै काम हुने भएकाले प्रदेश सरकारलाई थाहै नदिई हुने सचिव र कर्मचारीको सरुवाको काम रोक्न सक्नु पर्ने बताए ।
मन्त्रालय स्रोतका अनुसार नयाँ सचिवका रुपमा आएकी सचिव डा. काफ्लेलाई समेत मन्त्रीले अनावयश्क सरुवाको विरोध गरिरहेकाले आफुलाई अवरोध हुने सुइको पाइसकेकी थिइन । तर उनी एकपटक हेरौं न त भन्दै श्रीमान संगै जनकपुरधाम आइन र मन्त्रालय प्रवेश गर्न खोजिन तर प्रदेशमा बिनाकारण फटाफट हुने सचिव र कर्माचारी सरुवाको विरोध स्वयम मन्त्रीवाट नै भइरहेकाले उनलाई अवरोध भएपछि उनी काठमाण्डौंका पत्रकारहरुलाई प्रयोग गरि मेडियावाजीमा उत्रेकी हुन ।
