एसपी रिपोर्टर
जनकपुरधाम, भदौ ३० : लकडाउनमा स्कुले बालबालिकाको अवस्था विषयमा धेरै वहस भइरहेकै बेला स्वयम बालबालिकाहरुले पनि सो विषयमा बहस गरेका छन् । बालबालिका दिवसको अवसरमा धनुषाको रघुनाथपुर स्थित केपी गुरुकुल छात्रावासमा आसमान नेपालको निक शिक्षा दिय परियोजनाले आयोजना गरेको सो विषयक वक्तृत्वकला प्रतियोगीतामा छात्रावासका बालबालिकाहरु आफै आफनो र समाजको स्कुले बच्चाहरुको अवस्था, मनस्थिती, पढाई लेखाई सहितको विषयमा प्रकाश पारेका छन् ।
बालबालिकाहरुले बच्चाहरु घरमा थुनिएको यस अवस्थामा घरलाई पनि एक स्कुलको रुपमा सदुपयोग गर्नन नसकिएको बताए । यस बाध्यात्मक परिस्थितीमा अभिभावकले चाहेको खण्डमा घरलाई पनि विद्यालय सरह सदुपयोग गर्न सकिने भएपनि त्यसो हुन नसकेको उनीहरुको तर्क छ । शहरी क्षेत्रमा घरमा पनि हदै सम्मको शिक्षा आर्जनको प्रयत्न भइरहेको भएपनि ग्रामिण भेगमा शिक्षा पुर्ण रुपमा प्रभावित भएको उनीहरुको र्तकमा सुनियो ।
परियोजना प्रमुख सुरेश कुमार यादवले बालबालिकाहरु आफनो अवस्था र शिक्षावाट प्रभावित बालबालिहरुको समेत मनोअवस्थाको विश्लेषण गर्दा खुुसी लागेको बताए । परियोजनाले सवैला नगरपालिकामा लकडाउनकै वेला स्थानिय स्तरमै सामुहिक सुरक्षित पढाई लेखाइको वातावरण बनाउदै आएको छ । यादवले घरमा बालबालिका संगै अभिभावक समेत थुनिएकाले घरलाई स्कुल र अभिभावक शिक्षक शिक्षिकाको रुपमा अगाडि बढे हदै सम्म लकडाउनको प्रभाव कम गर्न सकिने बताए । उत्कृष्ट तर्क राख्ने बालबालिकाहरुलाई शैक्षिक समाग्री सहित पुरस्कृत समेत गरिएको छ ।
