एसपी रिपोर्टर
जनकपुरधाम, भदौ २४ : मधेश आन्दोलनको क्रममा २०७२ सालमा जलेश्वरमा सहादत प्राप्त शहिदहरुको स्मरण गर्दै श्रद्धाञ्जली अर्पण गरिएको छ । २०७२ भदौ २३ र २४ गते तत्कालिन मधेश आन्दोलनको क्रममा प्रहरीको गोली लागि सहादत प्राप्त गर्ने ६ जना शहिदहरुको सम्झनामा मधेश अधिकार संर्घष समिति (मास)ले जनकपुरधामको रामानन्दचौकमा दिप प्रज्वलन गरि शहिदहरु प्रति श्रद्धाञ्जली अर्पण गरेको छ ।
साथै उनीहरुले शहिदको रगत र बलिदानीको जगमा बनेको नेता र सरकारहरु आफनो स्वार्थ र लोभ लालच छाडेर शहिदहरुको सहादतको उद्देश्य र सपना पुरा गर्न तर्फ समेत लाग्नु पर्ने ध्यानाकर्षण उनीहरुले गराएका छन् । मासका शुसिल कर्ण, सरोज मिश्र, मधेशानन्द, अमित पाठक सहितको सहभागिता र सक्रियतामा दिप प्रज्वलन कार्यक्रम गरिएको छ ।
