एसपी रिपोर्टर
जनकपुरधाम, भदौ २४ : धनुषाको लक्ष्मीनियाँ गाउँपालिकाको वडा नम्बर २ सिनुरजोडाका एक बालिकालाई बलात्कार गरेको आरोप लागेका फरार पुरुषलाई धनुषा प्रह्रीले पक्राउ गर्न सफल भएको छ । गत शनिबार दिउँसो ३ बजे लक्ष्मीनियाँ बजार स्थित पसल सँचालन गर्दै आएका ५६ वर्षिय बद्रीनाथ साहलाई प्रहरीले पक्राउ गरेको हो । साहले सँचालन गर्दै आएको किराना पसल नजिकै खेलिरहेको बालिकालाई ललाइ फकाइ पसलमा बलात्कार गरेको आरोप लगाइएको छ ।
आज साँझ करिब ७ बजेतर्फ महोत्तरीको मठिहानीबाट आरोपितलाई पक्राउ गर्न सफल भएको जनाइएको छ । जिल्ला प्रहरी कार्यालय धनुषाले एक प्रेस विज्ञप्ति जारी गर्दै साहलाई सादा पोशाकमा खटेका प्रहरीले महोत्तरीबाट पक्राउ गरेको जनाएको छ । गत शनिबार आरोपितले १० बर्षिय सो बालिकालाई चकलेट दिने लोभ देखाएर पसलमा रहेको कार्टुन छत माती लिएर जान भनेको र मुख थुनी बलात्कार गरेको आरोपमा धनुषा जिल्ला अदालतको आदेश बमोजिम खटेको प्रहरीले उनलाई पक्राउ गरेको प्रहरीले जनाएको छ ।
उनलाई विहिबार जिल्ला अदालतबाट म्याद थप गराई अनुसन्धान प्रक्रिया अगाडी बढाइने जनाइएको छ । बालिकाले आफना बुवालाई भनेपछि घटना वाहिर आएको हो । प्रहरीले उनलाई पक्राउ गर्न ढिलासुस्ती गरेको भन्दै मँगलबार स्थानीयहरुले ईलाका प्रहरी कार्यालय महेन्द्रनगर अगाडी धर्ना र प्रदर्शन समेत गरेका थिए ।
