एसपी रिपोर्टर
जनकपुरधाम, भदौ २० : मैथिली लोक गायिका शारदा सिन्हा कोरोना जित्न सफल भएकी छन् । कोराना संक्रमण पुष्टि भएकी गायिका सिन्हा आज कोरोना मुक्त भएपछि आफ्नो घर फर्केकी छिन् । साई होस्पिटलमा भर्ना भएकी सिन्हा कोरोना मुक्त भएर आफु घर फर्किएको सामाजिक सञ्जाल फेसबुक मार्फत जानकारी दिएकी छिन् ।
आफना शुभचिन्तक प्रशंसहरुलाई शुभेच्छाका लागि धन्यवाद दिदै गायिका सिन्हाले भनेकी छन्, ‘सबैको प्राथना, शुभकामनाकै कारण म ठिक भए अव आफ्नो कामलाई निरन्तरता दिने छु ।’ उनले इश्वरका साथै आफना लागि शुभकामना व्यक्त गर्ने सम्पुर्ण देश विदेशका शुभेच्छुक सहित उपचारमा खटेका चिकित्सकहरु सहित धन्यवाद दिइन र खुशीमा गित पनि गुनगुनाइन ।
उनले आफुलाई अहिले धेरै अगाडी जान बाँकी रहेको बताईन् । कोरोनाबाट बच्न मास्क, सेनिटाईजर सहित सुरक्षा समाग्रीको प्रयोग गर्न आग्रह गर्दै उनले भनिन्, ‘ अहिले कोरोनाको उपचार र औषधी भेटिएको छैन् तर छिट्टै त्यो दिन पनि आउनेछ ।’ केहि दिन पहिला त गायिका सिन्हाको कोरोनाले निधन नै भएको भ्रामक खवर फैलिएपछि उनले अस्पतालवाटै सामाजिक सञ्जाल मार्फत त्यसको खण्डन गरेकी थिइन् ।
